Gündəlik xronika
29 may 2014-cü il saat 18:15-dək:
Bakı şəhəri, Binəqədi rayonunda vətəndaşa məxsus ümumi sahəsi 450 kv.m olan restoranın yanar konstruksiyaları 260 kv.m sahədə yanmışdır.
29 may 2014-cü il saat 15:30-dək:
Quba şəhərində vətəndaşa məxsus ümumi sahəsi 50 kv.m olan köməkçi tikilinin dam örtüyünün yanar konstruksiyaları 3 kv.m sahədə yanmışdır. Köməkçi tikilinin qalan hissəsi yanğından mühafizə olunmuşdur.
29 may 2014-cü il saat 13:15-dək:
Fövqəladə Hallar Nazirliyinin “112” qaynar telefon xəttinə daxil olmuş məlumata əsasən, Yevlax rayonu, Yevlax-Bərdə yolunda “SHACMAN” və “İSUZİ” markalı iki yük avtomobili toqquşmuşdur.
29 may 2014-cü il saat 05:00-dək:
Bakı şəhəri, Sabunçu rayonunda vətəndaşa məxsus ümumi sahəsi 220 kv.m olan ikimərtəbəli 4 otaqlı evin yanar konstruksiyaları və ev əşyaları 190 kv.m sahədə yanmışdır.
28 may 2014-cü il saat 17:30-dək:
Gəncə şəhəri, Kəpəz rayonunda vətəndaşa məxsus "Mercedes" markalı minik avtomobili yolun kənarındakı elektrik dirəyinə çırpılaraq yanğınla nəticələnən yol-nəqliyyat qəza hadisəsi baş vermişdir.
28 may 2014-cü il saat 15:15-dək:
Fövqəladə Hallar Nazirliyinin “112” qaynar telefon xəttinə Bakı şəhəri, Xətai rayonunda 1 nəfərin intihara cəhd etməsi barədə məlumat daxil olmuşdur.
28 may 2014-cü il saat 08:20-dək:
Bakı şəhəri, Nərimanov rayonunda avtomobil təmiri sexinin ərazisində ümumi sahəsi 5 kv.m olan gözətçi köşkünün yanar konstruksiyaları yanmışdır. Yaxınlıqdakı tikililər yanğından mühafizə olunmuşdur. Yanğın saat 07:12-də yanğınsöndürənlər tərəfindən söndürülmüşdür.
28 may 2014-cü il saat 04:00-dək:
İmişli rayonu, Yalavac kəndində (rayon mərkəzindən 8 km aralı) vətəndaşa məxsus ümumi sahəsi 490 kv.m olan birmərtəbəli ərzaq mağazasının taxtadan ibarət tavanı 12 kv.m sahədə yanmışdır. Mağazanın qalan hissəsi yanğından mühafizə olunmuşdur. Yanğın saat 02:45-də yanğınsöndürənlər tərəfindən söndürülmüşdür.
27 may 2014-cü il saat 22:30-dək:
Ağcabədi rayonu, Çıraqlı kəndində vətəndaşa məxsus qamışdan ibarət ümumi sahəsi 160 kv.m olan tövlənin yanar konstruksiyaları 100 kv.m və dama yığılmış 9 ton ot bağlamasından 8 tonu yanmışdır...
27 may 2014-cü il saat 22:00-dək:
Fövqəladə Hallar Nazirliyinin “112” qaynar telefon xəttinə daxil olmuş məlumata əsasən, Bakı-Sumqayıt magistral avtomobil yolunun 29-cu kilometrliyində döyüş sursatları aşkarlanmışdır...