AZƏRBAYCAN RESPUBLİKASININ FÖVQƏLADƏ HALLAR NAZİRİLİYİ

KİÇİKHƏCMLİ GƏMİLƏRƏ NƏZARƏT VƏ SULARDA XİLASETMƏ DÖVLƏT XİDMƏTİ








Geri

FHN-in İdman-sağlamlıq klubunda 20 Yanvar faciəsi ilə bağlı anım tədbiri keçirilib

20 Yanvar faciəsinin 32-ci ildönümü münasibətilə Fövqəladə Hallar Nazirliyinin İdman-sağlamlıq klubunun akt zalında anım tədbiri keçirilib. Tədbirdə klubun rəisi polkovnik Füzuli Musayev, FHN Akademiyasının rəisi general-mayor Baba Salayev, millət vəkili Vüqar İskəndərov iştirak ediblər.

Əvvəlcə, 20 Yanvar şəhidlərinin əziz xatirəsi bir dəqiqəlik sükutla yad edilib, Dövlət himni səsləndirilib.

Daha sonra qanlı Yanvar hadisələrindən bəhs edən sənədli film nümayiş etdirilib.

Sonra tədbirdə çıxış edən FHN İdman-sağlamlıq klubunun rəisi polkovnik Füzuli Musayev 1990-cı il 20 Yanvar hadisələrinə tarixi nəzər salıb. O, qeyd edib ki, xalqımızın yaddaşından heç zaman silinməyəcək qanlı 20 Yanvar faciəsi həm də Azərbaycan milli kimliyinin formalaşmasına həlledici təsir göstərib, dövlət müstəqilliyinin bərpa edilməsində dönüş nöqtəsi olub. Bu qanlı hadisələr nəticəsində Azərbaycanda sovet imperiyası özünün bütün mənəvi və sosial dayaqlarını itirdi. Baş vermiş hadisələr xalqın daha da mətinləşməsinə, dünya azərbaycanlılarının isə təşkilatlanmasına səbəb oldu.

F.Musayev qeyd edib ki, bu faciəyə məhz xalqımızın ümummilli lideri Heydər Əliyevin təşəbbüsü ilə ilk dəfə hüquqi-siyasi qiymət verildi, faciə ilə bağlı həqiqətlər üzə çıxarıldı.

Heydər Əliyev siyasi kursunun mahir davamçısı Azərbaycan Respublikasının Prezidenti cənab İlham Əliyev tərəfindən 1990-cı ilin yanvarında şəhid olmuş oğul və qızlarımızın xatirəsinin əbədiləşdirilməsi, adlarının uca tutulması, onların ailələrinin, övladlarının sosial müdafiəsinin gücləndirilməsi üçün mühüm addımlar atılıb və bu məsələ dövlət başçısının daim diqqət mərkəzindədir.

Daha sonra anım tədbirində çıxış edən Fövqəladə Hallar Nazirliyinin Akademiyasının rəisi general-mayor Baba Salayev, millət vəkili Vüqar İskəndərov, İdman-sağlamlıq klubunun hüquqşünası Həmdiyyə Məmmədov xalqımızın başına gətirilən bu qanlı faciə haqqında fikirlərini səsləndirərək, 20 yanvarda baş verənlərin eyni zamanda xalqımızın azadlıq uğrunda mübarizə tarixinə qızıl hərflərlə yazıldığını və şəhidlərimizin qəhrəmanlıq salnaməsinin heç zaman unudulmayacağını vurğulayıblar.

 

Digər məlumatlar

Ümummilli lider Heydər Əliyevin anadan olmasının 99-cu ildönümünə həsr olunmuş mini futbol çempionatına yekun vurulub

16-20 may 2022-ci il tarixlərində  Fövqəladə Hallar Nazirliyinin İdman-sağlamlıq klubunun stadionunda Nazirliyin qurumları arasında ümummilli lider Heydər Əliyevin anadan olmasının 99-cu ildönümünə həsr olunmuş mini futbol çempionatı keçirilib. Fövqəladə Hallar Nazirliyi işçilərinin Həmkarlar İttifaqının və İdman-sağlamlıq klubunun birgə təşkilatçılığı, Azərbaycan Respublikasının Gənclər və İdman Nazirliyinin, Azərbaycan......

Ardını oxu

FHN-in Qarabağ Regional Mərkəzində “Gənc xilasedici və yanğınsöndürən” yarışlarının zona birinciliyi keçirilib

Fövqəladə Hallar Nazirliyinin Qarabağ Regional Mərkəzinin əhatə etdiyi rayonların təhsil müəssisələri arasında “Gənc xilasedici və yanğınsöndürən” yarışlarının zona birinciliyi keçirilib. ...

Ardını oxu

FHN-in Dövlət Yanğın Nəzarəti Xidməti taxıl tədarükü ilə bağlı növbəti silsilə seminar-müşavirələr keçirib

Fövqəladə Hallar Nazirliyinin Dövlət Yanğın Nəzarəti Xidməti (DYNX) səlahiyyətlərinə uyğun olaraq, ölkədə yanğın təhlükəsizliyinin təmin edilməsi məqsədilə zəruri tədbirlərin görülməsini davam etdirir. ...

Ardını oxu