AZƏRBAYCAN RESPUBLİKASININ FÖVQƏLADƏ HALLAR NAZİRİLİYİ

XƏZƏR HÖVZƏ QƏZA-XİLASETMƏ XİDMƏTİ







Geri

FHN-də ABŞ-ın “Samaritan`s Purse” təşkilatının nümayəndə heyəti ilə görüş keçirilib (Video - Foto)

Ölkəmizdə səfərdə olan Amerika Birləşmiş Ştatlarının (ABŞ) xristian-yevangelist beynəlxalq humanitar təşkilatlarından olan “Samaritan`s Purse”nin Proqramlar və Hökumətlə Əlaqələr üzrə vitse-prezidenti Ken İsaaksın rəhbərlik etdiyi nümayəndə heyəti dekabrın 2-də Fövqəladə Hallar Nazirliyində olub.

Nümayəndə heyəti ilə görüşən Fövqəladə Hallar nazirinin müavini tibb xidməti general-leytenantı Faiq Tağı-zadə qonaqları səmimi salamladıqdan sonra nazirliyin fəaliyyəti haqqında ətraflı məlumat verib. Nazir müavini, həmçinin Azərbaycanın tarixi torpağı olan erməni vandallarının işğal etdikləri Qarabağda və ona bitişik rayonlarda dini abidələrimizə qarşı törətdikləri vəhşiliklərdən danışıb, tarixi və mədəniyyət abidələrimizi məqsədyönlü şəkildə dağıtdıqlarını bildirib. Azərbaycanın hər zaman tolerant ölkə olduğunu xatırladan nazir müavini ölkəmizdə məscid, kilsə və sinaqoqlara xüsusi diqqət göstərildiyini vurğulayıb.

Son vaxtlar dünyada geniş yayılmış yeni növ koronavirus infeksiyasının (COVİD-19) qarşısının alınması istiqamətində ölkə başçısı Prezident İlham Əliyevin rəhbərliyi altında görülən mühüm işlərdən danışan nazir müavini Bakının Xətai rayonunda Fövqəladə Hallar Nazirliyinin Tibb Mərkəzinin koronaviruslu xəstələrin müalicəsi üçün nəzərdə tutulan modul tipli hospitalının fəaliyyətindən ətraflı söz açıb. Faiq Tağı-zadə Azərbaycan Prezidentinin tapşırığına əsasən, yaradılan bu hospitalın ən müasir standartlara cavab verdiyini, koronavirus infeksiyasına yoluxmuş xəstələrin müalicəsi üçün bütün şəraitin yaradıldığını, müasir avadanlıqlarla təchiz edildiyini bildirib.

Səmimi görüşə görə təşəkkürünü bildirən “Samaritan`s Purse”nin Proqramlar və Hökumətlə Əlaqələr üzrə vitse-prezidenti Ken İsaaks Azərbaycan xalqını qələbə münasibətilə təbrik edib. Səfərin əsas məqsədinin münaqişədən zərər çəkmiş vətəndaşlara yardım etmək və COVİD-19-la mübarizə sahəsində ölkəmizə dəstək göstərməkdən ibarət olduğunu vurğulayan qonaq bu istiqamətdə əməkdaşlıqda maraqlı olduqlarını diqqətə çatdırıb. 

Görüşdə qarşılıqlı maraq doğuran digər məsələlər də müzakirə edilib.

Digər məlumatlar

FHN Dövlət Yanğın Nəzarəti Xidmətinin yanacaqdoldurma məntəqələrində yanğın təhlükəsizliyinə dair müraciəti

Yanacaqdoldurma məntəqələri insanların tez-tez istifadə etdikləri məkandır. Burada onlar nəqliyyat vasitələrini yanacaqla təmin edir, bəzən isə qəlyanaltı üçün dayanırlar....

Ardını oxu

FHN-in dəvəti ilə ölkəmizə gəlmiş türkiyəli psixoterapevtlər Vətən müharibəsindən sonra mənəvi-psixoloji problemlər yaşayan vətəndaşlarımızın psixoloji reabilitasiyasına başlayıblar

Fövqəladə Hallar Nazirliyinin dəvəti ilə Türkiyədən gəlmiş peşəkar klinik-psixoloq və psixoterapevtlər Vətən müharibəsi nəticəsində mənəvi-psixoloji poblemlər yaşayan vətəndaşların psixoloji reabilitasiyasına başlayıblar. Belə ki, yanvar ayının 22-dən etibarən FHN-in “112” qaynar telefon xətti vasitəsilə mütəxəssislərin qəbuluna yazılmış 100-ə yaxın Vətən muharibəsi iştirakçısı, qazi, şəhid ailəsi üzvü, erməni......

Ardını oxu

FHN DYMX-nin cəbhəboyu ərazilərdə xidmət edən əməkdaşlarının Vətən müharibəsi zamanı fəaliyyəti yüksək qiymətləndirilib

Azərbaycan Respublikasının Prezidenti, Müzəffər Ali Baş Komandan cənab İlham Əliyevin rəhbərliyi ilə Vətən müharibəsində tarixi Qələbənin qazanılmasında digər qurumlar kimi Fövqəladə Hallar Nazirliyinin (FHN) Dövlət Yanğından Mühafizə Xidmətinin (DYMX) əməkdaşları da xüsusi xidmətləri ilə seçiliblər....

Ardını oxu