Geri

FHN-in Şimal-qərb Regional Mərkəzi “Heydər Əliyev İli”nə həsr olunmuş tədbir keçirib

Fövqəladə Hallar Nazirliyinin Şimal-qərb Regional Mərkəzi və Yeni Azərbaycan Partıyası Qəbələ rayon təşkilatının birgə təşkilatçılığı ilə “Heydər Əliyev İli”nə həsr olunmuş “Heydər Əliyev irsini öyrənirik” mövzusunda tədbir keçirilib.

Tədbirdə FHN-in Şimal-qərb Regional Mərkəzinin şəxsi heyəti və Yeni Azərbaycan Partıyası Qəbələ rayon təşkilatının rəhbər heyəti iştirak edib.

Dövlət Himninin səsləndirilməsi ilə başlanan toplantıda Ümummilli Liderin əziz xatirəsi dərin ehtiramla yad edilib.

Tədbiri giriş sözü ilə açan Şimal-qərb Regional Mərkəzinin rəisi polkovnik-leytenant Elnur Məhərrəmov Ulu Öndər Heydər Əliyevin zəngin dövlətçilik irsindən, müstəqil Azərbaycan dövlətinin qurulması və inkişafı naminə müstəsna xidmətlərindən danışıb. Qeyd edib ki, bütün həyatı boyu xalqımızın rifahını düşünərək, bu ali amal uğrunda yorulmaz fəaliyyət göstərən Ulu Öndərin gərgin əməyi və müdrik siyasəti nəticəsində yeni, müasir Azərbaycan dövləti qurulub, ölkəmiz dünya məkanında öz layiqli yerini tutub. Ulu Öndərin şah əsəri olan müstəqil Azərbaycanın illərə sığmayan bir yüksəlişlə inkişaf etdiyini bildirən E.Məhərrəmov, ölkəmizin son 20 ildə qazandığı misilsiz nailiyyətlərin Prezident, Müzəffər Ali Baş Komandan cənab İlham Əliyevin müdrik siyasətinin, qətiyyətli liderliyinin nəticəsi olduğunu qürur hissilə dilə gətirib.

Yeni Azərbaycan Partiyası Qəbələ rayon təşkilatının sədri Abil Ağasəfov Azərbaycan Respublikasının Prezidenti cənab İlham Əliyevin müvafiq Sərəncamı ilə 2023-cü ilin “Heydər Əliyev İli” elan edilməsinin əhəmiyyətindən danışıb. Ümummilli Lider Heydər Əliyevin Azərbaycan dövləti və xalqı qarşısında əvəzsiz xidmətlərindən, Ulu Öndərin dövlət müstəqilliyinin qazanılması və qorunub saxlanılması, ordu quruculuğu, respublikamızın sosial-iqtisadi inkişafı və digər sahələrdə misilsiz fəaliyyətindən bəhs edib.

Tədbirdə çıxış edən digər natiqlər ümummilli lider Heydər Əliyev ideyalarında Vətən, xalq, millət sevgisi, azərbaycançılıq, Vətənə, dövlətə sədaqət hissinin mühüm yer tutduğunu, bu ideyaların qorunmasını hər bir Azərbaycan vətəndaşının mənəvi borcu olduğunu, həmçinin gələcək nəsillərin bu ruhda tərbiyə olunmasının ən vacib şərtlərdən biri olduğunu diqqətə çatdırıblar.

Çıxışlarda Ulu Öndərin müdrik siyasi kursunun mahir davamçısı Azərbaycan Respublikasının Prezidenti, Müzəffər Ali Baş Komandan cənab İlham Əliyevin həyata keçirdiyi ardıcıl, məqsədyönlü daxili və xarici siyasəti nəticəsində ölkəmizin ərazi bütövlüyünün bərpa olunması, həmçinin bu gün bölgənin lider dövləti kimi beynəlxalq münasibətlər sistemində öz layiqli yerini tutması, söz sahibi olması xüsusi qeyd edilib.

Tədbirin sonunda Ulu Öndərin həyat və fəaliyyətindən bəhs edən sənədli film nümayiş olunub.

Digər məlumatlar

FHN Mətbuat xidmətinin məlumatı (video, foto)

  26 dekabr 2023-cü il tarixində İmişli rayonu, Qaragüvəndikli kəndində, Boztəpə kanalında batması ehtimal olunan 2013-cü il təvəllüdlü Xankişiyev Rasim Vasif oğlunun axtarışları Fövqəladə Hallar Nazirliyinin qüvvələri tərəfindən intensiv şəkildə davam etdirilir....

Ardını oxu

Fövqəladə Hallar Nazirliyi tərəfindən qanunsuz tikililər sökülüb (video, foto)

Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyi tərəfindən səlahiyyətlərinə uyğun olaraq respublika ərazisində qanunsuz tikintilərlə bağlı müvafiq tədbirlərin həyata keçirilməsi davam etdirilir....

Ardını oxu

FHN Mətbuat xidmətinin məlumatı

  Azərbaycan Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir....

Ardını oxu