Ağstafa rayonunun Kolxəlfəli kəndində ümumi sahəsi 300 m² olan birmərtəbəli kitabxana binasının yanar konstruksiyaları yanıb. Yanğından mühafizə bölmələrinin çevik müdaxiləsi sayəsində kitabla dolu rəflər binadan çıxarılaraq yanğından mühafizə olunub, yanğın söndürülüb.

Fövqəladə Hallar Nazirliyinin (FHN) "112" qaynar telefon xəttinə Bakı şəhərinin Yasamal rayonunda minik avtomobilinin dərəyə yuvarlanması ilə əlaqədar xilasedici köməyinə ehtiyac olması barədə məlumat daxil olub. Məlumat qəbul edilən kimi FHN-nin Xüsusi Riskli Xilasetmə Xidmətinin müvafiq xilasetmə qüvvələri çağırış üzrə cəlb olunub.

Həyata keçirilən tədbirlər nəticəsində sürücünün meyiti dərədən çıxarılaraq aidiyyəti üzrə təhvil verilib.

Bərdə rayonunun Samuxlu kəndində həyətyanı ərazidə ümumi sahəsi 27 m² olan taxta konstruksiyalardan ibarət talvar yanıb. Yaxınlıqdakı tikililər yanğından mühafizə olunub. Yanğın yanğından mühafizə bölmələri tərəfindən söndürülüb;

Salyan rayonunun Beştalı kəndində ümumi sahəsi 50 m² olan talvarın yanar konstruksiyaları və altına yığılan 4,5 ton ot bağlamasının 2,5 tonu yanıb. Ot bağlamalarının qalan hissəsi və bitişik köməkçi tikili yanğından mühafizə olunub. Yanğın yanğından mühafizə bölmələri tərəfindən söndürülüb.

Fövqəladə Hallar Nazirliyinin (FHN) "112" qaynar telefon xəttinə Zaqatala rayonunun Yuxarı Tala kəndi yaxınlığında dağlıq-meşəlik ərazidə yanğın olması barədə məlumat daxil olub.

Məlumatla əlaqədar FHN-nin müvafiq qüvvə və texnikaları, o cümlədən 2 ədəd helikopteri yanğınsöndürmə işlərinə cəlb olunub.

Əlavə məlumat veriləcək.

Oğuz rayonunun Xaçmazqışlaq kəndində ümumi sahəsi 120 m² olan birmərtəbəli 3 otaqlı evin yanar konstruksiyaları yanıb. Bitişik talvar yanğından mühafizə olunub. Yanğın yanğından mühafizə bölmələri tərəfindən söndürülüb.