Beyləqan rayonunun Şərq qəsəbəsində həyətyanı sahəyə yığılan 50 ton ot bağlamasının 12,5 tonu və yaxınlıqda dayanan 1 ədəd traktor qoşqusunun yanar hissələri yanıb. Ot bağlamalarının qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
Salyan rayonunun Qaraçala qəsəbəsində həyətyanı sahədə 20 ton ot bağlamasının 12 tonu yanıb. Ot bağlamalarının qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
Fövqəladə Hallar Nazirliyinin "112" qaynar telefon xəttinə daxil olan məlumata əsasən, Bakı şəhərinin Suraxanı və Qaradağ rayonlarında ayrı-ayrı ünvanlarda 2 nəfər azyaşlı mənzildə bağlı qapı arxasında köməksiz vəziyyətdə qalıb. Çağırış ünvanlarına cəlb olunan Xüsusi Riskli Xilasetmə Xidmətinin müvafiq xilasetmə qüvvələri azyaşlıları xilas edib və aidiyyəti üzrə təhvil veriblər.
Bakı şəhərinin Səbail rayonunda üçmərtəbəli binanın (üçüncü mərtəbədə restoran yerləşir) damında quraşdırılan 1 ədəd elektrik paylayıcısı, 5 p.m çıxış kabeli, 1 ədəd plastik qapı və tüstü bacasının üzlüyü 2 p.m yanıb. Bina yanğından mühafizə olunub. Yanğın yanğından mühafizə bölmələri tərəfindən söndürülüb.
Zaqatala rayonunun Muğanlı kəndində ümumi sahəsi 250 m² olan birmərtəbəli evin 1 otağının yanar konstruksiyaları 30 m² sahədə və dam örtüyü 60 m² sahədə yanıb. Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
Fövqəladə Hallar Nazirliyinin "112" qaynar telefon xəttinə Bakı şəhərinin Nərimanov rayonunda 1949-cu il təvəllüdlü qadının xəstəxanaya aparılması zərurətinin yaranması, bununla əlaqədar həkim briqadasına müvafiq köməkliyin göstərilməsi üçün müraciət daxil olub. Nazirliyin Xüsusi Riskli Xilasetmə Xidmətinin müvafiq xilasetmə qüvvələri çağırış ünvanına cəlb olunub. Xilasedicilərin köməkliyi ilə vətəndaş 3-cü mərtəbədəki mənzildən aşağı düşürülüb, təcili və təxirəsalınmaz tibbi yardım avtomobilinə mindirilərək həkim briqadasına təhvil verilib.
Ötən sutka ərzində Fövqəladə Hallar Nazirliyinin "112" qaynar telefon xəttinə Bakı şəhərinin Xətai rayonu üzrə liftdə köməksiz vəziyyətdə qalma ilə bağlı 1 müraciət daxil olub. Dərhal çağırış ünvanına cəlb olunan Xüsusi Riskli Xilasetmə Xidmətinin müvafiq xilasetmə qüvvələri tərəfindən 2 nəfərin liftdən çıxarılması təmin edilib.
Ağcabədi rayonunda ümumi sahəsi 225 m² olan ərzaq mağazasının yanar konstruksiyaları 140 m² sahədə yanıb. Mağazanın qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
Siyəzən rayonunun Sağolcan kəndində dağlıq ərazidə 70 ha sahədə quru ot və kol-kos yanıb. Meşə zolağı yanğından mühafizə olunub. Yanğın yanğından mühafizə bölmələri tərəfindən söndürülüb;
Tovuz rayonunun Köhnəqala kəndində ümumi sahəsi 40 m² olan köməkçi tikilinin yanar konstruksiyaları 16 m² sahədə yanıb. Yüksək temperaturdan bitişik, ümumi sahəsi 300 m² olan talvarın lambirindən ibarət tavanı əriyib. Tikilinin qalan hissəsi və yaxınlıqdakı ev yanğından mühafizə olunub. Yanğın yanğından mühafizə bölmələri tərəfindən söndürülüb.