Geri
Geri
Geri
01 fevral 2019-cu il saat 09:00-dək:
Bakı şəhərinin Xətai rayonunda uşaq bağçasının yerləşdiyi binanın girişində quraşdırılmış 1 ədəd elektrik lövhəsi yanmışdır. Yanğın zamanı 5 nəfər yanğınsöndürənlər tərəfindən təhlükəsiz əraziyə təxliyə olunmuşdur. Bina yanğından mühafizə olunmuşdur. Yanğın yanğından mühafizə bölmələri tərəfindən söndürülmüşdür.
01 fevral 2019-cu il saat 08:15-dək:
Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhərinin Suraxanı rayonunda 1 nəfər liftdə köməksiz vəziyyətdə qalmışdır. Çağırış ünvanına cəlb olunmuş Xüsusi Riskli Xilasetmə Xidmətinin müvafiq xilasetmə qüvvələri vətəndaşın liftdən çıxmasına kömək etmişlər. Əməliyyat başa çatmışdır.
01 fevral 2019-cu il saat 04:00-dək:
Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Bakı şəhərinin Nəsimi rayonunda “Shachman” markalı betonqarışdıran avtomobil tikilməkdə olan binanın bünövrəsinə yük boşaldarkən aşmışdır. Çağırış ünvanına cəlb olunmuş Xüsusi Riskli Xilasetmə Xidmətinin müvafiq xilasetmə qüvvələri sürücü, 1966-cı il təvəllüdlü Eldar Həşimovun meyitini nəqliyyat vasitəsinin altından çıxarmış və aidiyyəti üzrə təhvil vermişlər. Əməliyyat başa çatmışdır.