Bakı şəhərinin Qaradağ rayonunda beşmərtəbəli yaşayış binasının 4-cü mərtəbəsində ümumi sahəsi 60 m² olan 2 otaqlı mənzilin eyvanında dolab 5 m² sahədə yanmışdır. Hadisə zamanı 20 nəfər bina sakini təxliyə olunmuşdur. Yanğın zamanı 1 nəfər yanğınsöndürənlər tərəfindən xilas edilərək təcili təxirəsalınmaz tibbi yardım briqadasına təhvil verilmişdir. Vəziyyəti normaldır. Mənzilin qalan hissəsi yanğından mühafizə olunmuşdur. Yanğın yanğın bölmələri tərəfindən söndürülmüşdür.

Cəlilabad rayonu ərazisində ümumi sahəsi 12 m²  olan, taxta konstruksiyalardan ibarət köşk yanmışdır. Yaxınlıqdakı meyvə ağacları yanğından mühafizə olunmuşdur. Yanğın yanğın bölmələri tərəfindən söndürülmüşdür.

Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhəri, Nərimanov rayonunda 2014-сü il təvəllüdlü Əliyeva Məryəm Emin qızının əli cakuzi vannasının borusunda sıxılmış vəziyyətdə qalmışdır. Xüsusi Riskli Xilasetmə Xidmətinin müvafiq xilasetmə qüvvələri hadisə yerinə cəlb olunmuşdur. M.Əliyevanın əli xilasedicilərin köməkliyi ilə dəlikdən çıxarılmışdır. Əməliyyat başa çatmışdır.​

Bakı şəhərinin Yasamal rayonunda çoxmərtəbəli yaşayış binasında ümumi sahəsi 108 m² olan 2 otaqlı mənzilin mətbəxində mebel 6 m² sahədə yanmışdır. Yüksək temperaturdan 1 ədəd məişət avadanlığı ərimişdir. Hadisə zamanı 37 nəfər bina sakini təxliyə olunmuşdur. Mənzilin qalan hissəsi yanğından mühafizə olunmuşdur. Yanğın yanğın bölmələri tərəfindən söndürülmüşdür.​

Bakı şəhəri, Sabunçu rayonu, Yavər Əliyev küçəsində yerləşən çoxmərtəbəli binada yanğın baş vermişdir. Hazırda Fövqəladə Hallar Nazirliyinin Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq xilasetmə qüvvələri hadisə yerindədir. Əlavə məlumat veriləcək.​

Lənkəran şəhərinin Şağlaser kəndində həyətyanı sahəyə yığılmış 14 ton ot bağlamasının 5 tonu yanmışdır. Ot bağlamasının qalan hissəsi və yaxınlıqdakı ev yanğından mühafizə olunmuşdur. Yanğın yanğın bölmələri tərəfindən söndürülmüşdür.​

Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhərinin Nərimanov rayonunda 1 nəfər liftdə köməksiz vəziyyətdə qalmışdır. Hadisə yerinə cəlb olunmuş Xüsusi Riskli Xilasetmə Xidmətinin müvafiq xilasetmə qüvvələri vətəndaşın liftdən çıxmasına kömək etmişlər. Əməliyyat başa çatmışdır.