31 mart 2018-ci il saat 12:30-dək:
Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhəri, Nəsimi rayonunda 1 nəfər mənzildə köməksiz vəziyyətdə qalmışdır. Hadisə yerinə cəlb olunmuş Xüsusi Riskli Xilasetmə Xidmətinin müvafiq xilasetmə qüvvələri mənzilin qapısını açmış və vətəndaşı halsız vəziyyətdə aşkar edərək aidiyyəti üzrə təhvil vermişlər. Əməliyyat başa çatmışdır.
31 mart 2018-ci il saat 10:00-dək:
Balakən rayonunun Şambul kəndində ümumi sahəsi 130 m² olan birmərtəbəli 4 otaqlı evin 1 otağının tavanı 12 m² sahədə yanmışdır. Evin qalan hissəsi yanğından mühafizə olunmuşdur. Yanğın yanğın bölmələri tərəfindən söndürülmüşdür.
31 mart 2018-ci il saat 09:00-dək:
Neftçala rayonunun Bankə qəsəbəsində ümumi sahəsi 32 m² olan ərzaq mağazasında 20 m² sahədə rəflər və ərzaq məhsulları yanmışdır. Mağazanın qalan hissəsi yanğından mühafizə olunmuşdur. Yanğın yanğın bölmələri tərəfindən söndürülmüşdür.