Bakı şəhəri, Suraxanı rayonunda neftyığma məntəqəsinə məxsus ümumi sahəsi 120 kv.m olan çirkab suların neftdən ayrılması kollektorunun taxtadan ibarət tikilisi yanmışdır. Yaxınlıqdakı neft yığma məntəqəsi yanğından mühafizə olunmuşdur. Yanğın saat 00:49-da yanğınsöndürənlər tərəfindən söndürülmüşdür;

Bakı şəhəri, Xəzər rayonunda hal-hazırda fəaliyyət göstərməyən üçmərtəbəli sanatoriyanın 3-cü mərtəbəsində 1 otağın tavanı 5 kv.m sahədə yanmışdır. Sanatoriyanın qalan hissəsi yanğından mühafizə olunmuşdur. Yanğın saat 02:01-də yanğınsöndürənlər tərəfindən söndürülmüşdür;

Ağdam rayonu, Quzanlı qəsəbəsində (rayon mərkəzindən 2 km aralı) vətəndaşa məxsus ümumi sahəsi 60 kv.m olan yardımçı tikilinin dam örtüyünün yanar konstruksiyaları 40 kv.m sahədə və içərisinə yığılmış istifadəsiz ev əşyaları yanmışdır. Tikilinin qalan hissəsi yanğından mühafizə olunmuşdur. Yanğın saat 02:10-da yanğınsöndürənlər tərəfindən söndürülmüşdür;

Bakı şəhəri, Sabunçu rayonunda vətəndaşa məxsus "MERCEDES" markalı minik avtomobilinin yanar hissələri yanmışdır. Yaxınlıqdakı avtomobillər yanğından mühafizə olunmuşdur. Yanğın saat 02:37-də yanğınsöndürənlər tərəfindən söndürülmüşdür;

Ağsu rayonu, Kəndoba kəndində (rayon mərkəzindən 25 km aralı) vətəndaşa məxsus ümumi sahəsi 58 kv.m olan birmərtəbəli 2 otaqlı qamışdan ibarət evin yanar konstruksiyaları və dam örtüyü 49 kv.m sahədə yanmışdır. Evin qalan hissəsi yanğından mühafizə olunmuşdur. Yanğın saat 03:20-də yanğınsöndürənlər tərəfindən söndürülmüşdür;

Bakı şəhəri, Pirallahı rayonunda vətəndaşa məxsus ümumi sahəsi 40 kv.m olan köməkçi tikilinin dam örtüyünün yanar konstruksiyaları və döşəməsi 2 kv.m sahədə yanmışdır. Yaxınlıqdakı ev yanğından mühafizə olunmuşdur. Yanğın saat 06:52-də yanğınsöndürənlər tərəfindən söndürülmüşdür;

Goranboy rayonu, Qızılhacılı qəsəbəsində İcra Hakimiyyətinə məxsus hal-hazırda fəaliyyət göstərməyən ümumi sahəsi 400 kv.m olan birmərtəbəli uşaq bağçasının dəhlizinin tavanı 10 kv.m sahədə yanmışdır. Uşaq bağçasının qalan hissəsi yanğından mühafizə olunmuşdur. Yanğın saat 07:38-də yanğınsöndürənlər tərəfindən söndürülmüşdür.

Fövqəladə Hallar Nazirliyinin “112” qaynar telefon xəttinə daxil olmuş məlumata əsasən, Bakı şəhəri, Yasamal rayonunda mənzildə bağlı qapı arxasında 1 nəfər qalmışdır. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunmuşdur. Hadisə yerində əməliyyat şəraiti qiymətləndirilərkən məlum olmuşdur ki, həmin şəxs giriş qapısının dəfələrlə döyülməsinə və telefon zənglərinə reaksiya vermir. Xilasedicilər təhlükəsizlik qaydalarına riayət etməklə dəmir barmaqlıqları kəsərək fərdi yaşayış evinin pəncərəsindən içəri daxil olmuşlar. Mənzilə baxış keçirilərkən vətəndaş yıxılmış vəziyyətdə aşkarlanmış və aidiyyəti üzrə təhvil verilmişdir. Əməliyyat saat 03:46-da başa çatmışdır.