Geri

4 iyul 2012-ci il, saat 22:30- dək, ilkin məlumata əsasən

Fövqəladə Hallar Nazirliyinin dalğıc-xilasediciləri tərəfindən günün müxtəlif saatlarında Xəzər dənizinin Sahil-1 sularda xilasetmə məntəqəsi ərazisinin nəzarət olunan hissəsində çimərkən batmaq təhlükəsi ilə üzləşmiş 4 nəfər xilas olunmuşdur;

Bakı şəhəri, Xəzər rayonunda vətəndaşa məxsus ümumi sahəsi 6 kv.m olan birmərtəbəli ikiotaqlı evin 1 otağının və dam örtüyünün yanar konstruksiyaları 30 kv.m sahədə yanmışdır. Yanğından evin qalan hissəsi və qonşu ev mühafizə olunmuşdur. Yanğın saat 15:30-da yanğınsöndürənlər tərəfindən söndürülmüşdür;

Bakı şəhəri, Nəsimi rayonunda vətəndaşa məxsus  ümumi sahəsi 36 kv.m olan ikiotaqlı mənzilin 1otağında 1ədəd "SHVAKİ" markalı televizor yanmış və yüksək temperaturdan "SAMSUNG" markalı kondisioner ərimişdir. Yanğından mənzil mühafizə olunmuşdur. Yanğın saat 15:59-da yanğınsöndürənlər tərəfindən söndürülmüşdür;

Fövqəladə Hallar Nazirliyinin “112” qaynar telefon xəttinə daxil olmuş məlumata əsasən Bakı şəhəri, Xətai rayonunda 1 nəfər mənzildə köməksiz vəziyyətdə qalmışdır.  Hadisə yerində əməliyyat şəraiti qiymətləndirilərkən məlum olmuşdur ki, həmin şəxs giriş qapısının dəfələrlə döyülməsinə və telefon zənglərinə reaksiya vermir. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə çoxmərtəbəli yaşayış binasının 15-ci mərtəbəsinin eyvanından 13-cü mərtəbədə yerləşən həmin mənzilin eyvanına enərək içəri daxil olmuşlar. Mənzilə baxış keçirilərkən vətəndaş çarpayıda halsız vəziyyətdə aşkarlanmışdır. Hadisə yerinə çağırılmış Təcili Tibbi Yardım Stansiyasının həkimləri tərəfindən aparılmış ilkin tibbi müayinə nəticəsində vətəndaşın xəstə olduğu müəyyən olunmuşdur. Əməliyyat saat 21:07-də başa çatmışdır;

Geri

4 iyul 2012-ci il, saat 17:25-dək,ilkin məlumata əsasən

Fövqəladə Hallar Nazirliyinin “112” qaynar telefon xəttinə daxil olmuş məlumata əsasən, Bakı şəhəri, Səbail rayonunda giriş qapısının təsadüfən kilidlənməsi nəticəsində 1 nəfər azyaşlı mənzildə köməksiz vəziyyətdə qalmışdır. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunmuşlar. Xilasedicilər üçmərtəbəli yaşayış binasının 1-ci mərtəbəsində yerləşən mənzilə təhlükəsizlik qaydalarına riayət etməklə xüsusi alət və avadanlıqlar vasitəsilə pəncərədən daxil olmuşlar. Mənzildə nəzarətsiz qalmış uşaq aidiyyəti üzrə təhvil verilmişdir. Əməliyyat 15:50-də başa çatmışdır.
Geri

4 iyul 2012-ci il, saat 15:15-dək, ilkin məlumata əsasən

Qobustan rayonu, Şıxzahırlı kəndində (rayon mərkəzindən 20 km aralı) vətəndaşa məxsus ümumi sahəsi 80 kv.m olan ikimərtəbəli altıotaqlı evin yanar konstruksiyaları yanmışdır. Köməkçi tikililər və qonşu ev yanğınsöndürənlər tərəfindən yanğından mühafizə olunmuşdur. Yanğın saat 13:00-da yanğınsöndürənlər tərəfindən söndürülmüşdür.

Geri

4 iyul 2012-ci il, saat 13:00-dək ilkin məlumata əsasən

Gəncə şəhəri, Kəpəz rayonunda vətəndaşa məxsus ümumi sahəsi 70 kv.m olan üçotaqlı mənzilin mətbəxinin yanar konstruksiyaları 15 kv.m sahədə yanmışdır. Mənzilin qalan hissəsi yanğınsöndürənlər tərəfindən yanğından mühafizə olunmuşdur. Yanğın saat 09:14-də yanğınsöndürənlər tərəfindən söndürülmüşdür;

Gəncə şəhəri, Nizami rayonunda vətəndaşa məxsus ümumi sahəsi 150 kv.m olan ikimərtəbəli dördotaqlı evin mətbəxinin yanar konstruksiyaları 20 kv.m sahədə yanmışdır. Evin qalan hissəsi yanğınsöndürənlər tərəfindən yanğından mühafizə olunmuşdur. Yanğın saat 09:39-da yanğınsöndürənlər tərəfindən söndürülmüşdür.

 

Geri

4 iyul 2012-ci il, saat 09:00-dək

Fövqəladə Hallar Nazirliyinin “112” qaynar telefon xəttinə daxil olmuş məlumata əsasən Bakı şəhəri, Xətai rayonunda doqquzmərtəbəli yaşayış binasının liftində 1 azyaşlı köməksiz vəziyyətdə qalmışdır. Hadisə yerində əməliyyat şəraiti qiymətləndirilərkən məlum olmuşdur ki, lift texniki nasazlıq səbəbindən 8-ci mərtəbədə dayanmışdır. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə lifti 9-cu mərtəbəyə qaldıraraq qapılarını açmış və vətəndaşın liftdən çıxmasına şərait yaratmışlar. Əməliyyat saat 21:14-də başa çatmışdır;

Kürdəmir rayonu, Atakişili kəndində “KAMAZ” markalı yük avtomobili ilə “LADA” markalı minik avtomobili toqquşmuşdur. Nəticədə nəqliyyat vasitələri deformasiyaya uğramış, minik avtomobilinin sürücüsü - 1991-ci il təvəllüdlü Cabbarov Əli Kiçik oğlu və şəxsiyyətləri məlum olmayan 2 sərnişin hadisə yerində vəfat etmişlər. Yanğınsöndürən-xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə avtomobildə sıxılmış vəziyyətdə qalmış cəsədləri avtomobildən çıxarmış, aidiyyəti üzrə təhvil vermiş və hadisə yerində müvafiq təhlükəsizlik tədbirləri görmüşlər. Hadisə ilə əlaqədar  müvafiq qurumlar tərəfindən təhqiqat aparılır. Əməliyyat saat 02:20-də başa çatmışdır;

Fövqəladə Hallar Nazirliyinin “112” qaynar telefon xəttinə Bakı şəhəri, Suraxanı rayonunda yol-nəqliyyat qəzasının baş verməsi və köməyə ehtiyacı olan zərərçəkmişlərin olması barədə məlumat daxil olmuşdur. Hadisə yerində əməliyyat şəraiti qiymətləndirilərkən məlum olmuşdur ki, vətəndaşa məxsus “VAZ” markalı minik avtomobili yol kənarındakı ağaca çırpılmış və çevrilmişdir. Nəticədə, avtomobil deformasiyaya uğramış, avtomobildə olan sürücü və 3 nəfər sərnişin sıxılmış vəziyyətdə qalmışlar. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə qeyd olunan şəxsləri avtomobildən çıxararaq hadisə yerinə çağırılmış Təcili Tibbi Yardım stansiyasının əməkdaşlarına təhvil vermiş, habelə, hadisə yerində müvafiq təhlükəsizlik tədbirlər görmüşlər. Əməliyyat saat 03:59-da başa çatmışdır;

Zaqatala rayonu, Muxax kəndində (rayon mərkəzindən 11 km aralı) vətəndaşa məxsus ümumi sahəsi 144 kv.m olan birmərtəbəli 4 otaqlı evin mətbəxinin yanar konstruksiyaları 16 kv.m sahədə və hamamın lambirindən ibarət tavanı 5 kv.m sahədə yanmışdır. Evin qalan hissəsi yanğınsöndürənlər tərəfindən yanğından mühafizə olunmuşdur. Yanğın saat 05:05-də yanğınsöndürənlər tərəfindən söndürülmüşdür;

Fövqəladə Hallar Nazirliyinin “112” qaynar telefon xəttinə daxil olmuş məlumata əsasən Bakı şəhəri, Nəsimi rayonunda doqquzmərtəbəli yaşayış binasının liftində 3 nəfər köməksiz vəziyyətdə qalmışdır. Hadisə yerində əməliyyat şəraiti qiymətləndirilərkən məlum olmuşdur ki, lift texniki nasazlıq səbəbindən 1-ci mərtəbədə dayanmışdır. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə liftin qapılarını açmış və vətəndaşların liftdən çıxmasına şərait yaratmışlar. Əməliyyat saat 08:26-də başa çatmışdır.