Gündəlik xronika
26 oktyabr 2011-ci il, saat 17:30-dək
Azərbaycan Respublikasının Prezidenti cənab İlham Əliyevin göstərişinə əsasən, bu gün axşam saatlarında Fövqəladə Hallar Nazirliyi tərəfindən avtomobil karvanı ilə Türkiyənin Van bölgəsində zəlzələdən zərər çəkmiş insanlara növbəti yardım yola salınacaqdır.
26 oktyabr 2011-ci il, saat 15:20-dək
Azərbaycan xilasediciləri tərəfindən Türkiyənin Van vilayətində aparılan axtarış-xilasetmə işləri nəticəsində, dağıntılar altından daha 5 cəsəd tapılaraq çıxarılmış və aidiyyəti üzrə təhvil verilmişdir. Beləliklə, Azərbaycan Fövqəladə Hallar Nazirliyinin xilasediciləri tərəfindən 10 nəfər xilas edilmiş və 41 cəsəd dağıntılar altından tapılaraq çıxarılmışdır.
26 oktyabr 2011-ci il, saat 13:35-dək
"British Airways" şirkətinə məxsus Bakı-London marşrutu ilə hərəkət edən sərnişin təyyarəsi havada olarkən mühərriklərinin birində texniki nasazlıq yaranmışdır. Bu səbəbdən təyyarə saat 13:35 dəqiqədə H.Əliyev adına Beynəlxalq Hava Limanında qəza enişi etmişdir.
26 oktyabr 2011-ci il, saat 10:10-dək
Gecə saatlarında zəlzələ bölgəsində Azərbaycan xilasediciləri tərəfindən aparılan axtarış-xilasetmə işləri nəticəsində, dağıntılar altından daha 2 cəsəd tapılaraq çıxarılmışdır.
25 oktyabr 2011-ci il, saat 22:25-dək
Azərbaycan xilasediciləri tərəfindən zəlzələ bölgəsində aparılan axtarış-xilasetmə işləri nəticəsində, dağıntılar altından daha 11 cəsəd tapılaraq çıxarılmışdır
25 oktyabr 2011-ci il, saat 14:20-dək
Azərbaycan xilasediciləri tərəfindən zəlzələ bölgəsində aparılan axtarış-xilasetmə işləri nəticəsində, dağıntılar altından daha 3 nəfər xilas edilmiş və 9 cəsəd tapılaraq çıxarılmışdır.
25 oktyabr 2011-ci il, saat 12:35-dək
Azərbaycan xilasediciləri tərəfindən Türkiyənin Van vilayətində aparılan axtarış-xilasetmə işləri nəticəsində, dağıntılar altından 1 kişi xilas edilmiş və 30-35 yaşlarında olan 1 kişi cəsədi tapılaraq çıxarılmış və aidiyyəti üzrə təhvil verilmişdir.
25 oktyabr 2011-ci il, saat 12:12-dək
Azərbaycan xilasediciləri tərəfindən Türkiyənin Van vilayətində aparılan axtarış-xilasetmə işləri nəticəsində, dağıntılar altından daha 3 kişi cəsədi tapılaraq çıxarılmış və aidiyyəti üzrə təhvil verilmişdir.
25 oktyabr 2011-ci il, saat 09:15-dək
Gecə saatlarında Azərbaycan xilasediciləri tərəfindən daha 3 cəsəd tapılaraq dağıntılar altından çıxarılmış və aidiyyəti üzrə təhvil verilmişdir
25 oktyabr 2011-ci il, saat 09:00-dək
Ağdaş rayonu, Qarağan Sədi kəndində (rayon mərkəzindən 7 km aralı) ümumi sahəsi 155 kv.m olan birmərtəbəli 7 otaqlı fərdi evin yanar konstruksiyaları 85 kv.m sahədə və əşyalar qismən yanmışdır. Yanğın saat 11:22-də yanğınsöndürənlər tərəfindən söndürülmüşdür;