Geri

03 dekabr 2010-cu il, saat 09:00-dək

Tərtər rayonu, Bürüc kəndində (rayon mərkəzindən 6km aralı) vətəndaşa məxsus ümumi sahəsi 75kv.m olan tövlənin çardağının yanar konstruksiyaları 12kv.m sahədə və çardağa yığılmış 750kq ot bağlaması yanmışdır. Yanğın saat 20:10-da yanğınsöndürənlər tərəfindən söndürülmüşdür;

Bakı şəhəri, Nəsimi rayonunda, Bakı Metropoliteninin "20 Yanvar" stansiyasında partlayıcı qurğu yerləşdirilməsi barədə məlumat daxil olmuşdur. Dərhal Nazirliyin müvafiq xilasetmə qüvvələri axtarış-xilasetmə tədbirlərinin görülməsi üçün hadisə yerinə cəlb edilmiş, aidiyyəti qurumlar məlumatlandırılmışdır. Xilasedicilər və hadisə yerində olan hüquq-mühafizə orqanlarının mütəxəssislərinin apardıqları birgə axtarış işləri nəticəsində həmin stansiyada və yaxınlıqda şübhəli əşya aşkar edilməmişdir. Əməliyyatı saat 20:10-da başa çatmışdır;

Bakı şəhəri, Nərimanov rayonunda, Bakı Metropoliteninin "Nəriman Nərimanov" stansiyasında partlayıcı qurğu yerləşdirilməsi barədə məlumat daxil olmuşdur. Dərhal Nazirliyin müvafiq xilasetmə qüvvələri axtarış-xilasetmə tədbirlərinin görülməsi üçün hadisə yerinə cəlb edilmiş, aidiyyəti qurumlar məlumatlandırılmışdır. Xilasedicilər və hadisə yerində olan hüquq-mühafizə orqanlarının mütəxəssislərinin apardıqları birgə axtarış işləri nəticəsində həmin stansiyada və yaxınlıqda şübhəli əşya aşkar edilməmişdir. Əməliyyatı saat 21:10-da başa çatmışdır;

Bərdə rayonu, Qazaxlar kəndində (rayon mərkəzindən 26km aralı) ümumi sahəsi 225kv.m olan birmərtəbəli 5 otaqlı fərdi evin yanar konstruksiyaları 175kv.m sahədə yanmışdır. Yanğın saat 20:34-da yanğınsöndürənlər tərəfindən söndürülmüşdür;

Samux şəhərində ümumi sahəsi 100kv.m olan 2 otaq və aynabənddən ibarət fərdi evin yanar konstruksiyaları 64kv.m sahədə yanmışdır. Yanğın saat 21:50-də yanğınsöndürənlər tərəfindən söndürülmüşdür;

İsmayıllı rayonu, Güyüm kəndində (rayon mərkəzindən 22km aralı) meşə zolağının ərazisində 5ha sahədə kol-kos və xəzəl yanmışdır. Meşə ərazisində olan ağaclar yanğınsöndürənlər tərəfindən yanğından mühafizə olunmuşdur. Yanğın saat 01:50-də yanğınsöndürənlər tərəfindən söndürülmüşdür.2