Geri

21 dekabr 2010-cu il, saat 09:00-dək

İmişli şəhərində ümumi sahəsi 98kv.m olan birmərtəbəli 2 otaq və aynabənddən  ibarət fərdi evin yanar konstruksiyaları 68kv.m sahədə yanmışdır. Yanğın saat  16:00-da yanğınsöndürənlər tərəfindən söndürülmüşdür;

Bərdə rayonu, Qaradəmirçi kəndində (rayon mərkəzindən 8km aralı) vətəndaşa məxsus həyətyanı sahədə 5 ton ot bağlaması yanmışdır. Yanğın saat 17:15-də yanğınsöndürənlər tərəfindən söndürülmüşdür;

Bakı şəhəri, Sabunçu rayonunda tikintisi başa çatmamış ümumi sahəsi 120kv.m olan ikimərtəbəli fərdi evin 1-ci mərtəbəsində quraşdırılmış taxta qəliblər 60kv.m sahədə və 2 ədəd plastik pəncərə yanmışdır. Yanğın saat  21:55-də yanğınsöndürənlər tərəfindən söndürülmüşdür;

Sumqayıt şəhərində giriş qapısının təsadüfən kilidlənməsi nəticəsində azyaşlı uşaq mənzildə köməksiz vəziyyətdə qalmışdır. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə üçmərtəbəli yaşayış binasının damından enərək sonuncu mərtəbədə yerləşən həmin mənzilə eyvandan daxil olmuş və giriş qapısını açmışlar. Mənzildə yatmış vəziyyətdə aşkarlanmış uşaq xilasedicilər tərəfindən aidiyyəti üzrə təhvil verilmişdir;

Bakı şəhəri, Xəzər rayonunda fərdi yaşayış evinin həyətində ümumi sahəsi 40kv.m olan yardımçı tikilidə tavanın yanar konstruksiyaları 8kv.m sahədə yanmışdır. Yanğın saat 02:50-də yanğınsöndürənlər tərəfindən söndürülmüşdür;

Bakı şəhəri, Yasamal rayonunda ikimərtəbəli kommunal tipli yaşayış binasının 2-ci mərtəbəsində  ayrı-ayrı vətəndaşlara məxsus ümumi sahəsi 100kv.m olan 3 mənzilin yanar konstruksiyaları əşyalarla birlikdə yanmışdır. Hadisə yerinə cəlb edilmiş xilasedicilər ərazidə müvafiq təhlükəsizlik tədbirləri görmüş, yanğınsöndürənlər binanın 1-ci mərtəbəsini və qonşu binaları yanğından mühafizə etmişlər. Yanğın saat 05:27-də yanğınsöndürənlər tərəfindən söndürülmüşdür. İlkin ehtimala görə, yanğın qəsdən törədilmişdir;

Masallı rayonu, Təzə Alvadı kəndində (rayon mərkəzindən 16km aralı) ümumi sahəsi 240kv.m olan ikimərtəbəli 6 otaqlı fərdi evin yanar konstruksiyaları 92kv.m yanmışdır. Yanğın saat 08:55-də yanğınsöndürənlər tərəfindən söndürülmüşdür.