Geri

FHN-in Nüvə və Radioloji Fəaliyyətin Tənzimlənməsi üzrə Dövlət Agentliyi DSX-da təlim keçirib

Fövqəladə Hallar Nazirliyinin Nüvə və Radioloji Fəaliyyətin Tənzimlənməsi üzrə Dövlət Agentliyi (NRFTDA) Dövlət Sərhəd Xidmətinin Sərhəd Nəzarəti Qərargahında sahibsiz ionlaşdırıcı şüalanma mənbələrinin və nüvə materiallarının aşkar edilməsi və onların Azərbaycan Respublikasının sərhədindən keçirildiyi zaman saxlanılması hallarında dövlət orqanları və təşkilatlar tərəfindən görülən tədbirlərin əlaqələndirilməsi üzrə təlim keçirib.

Tədbirin keçirilməsində əsas məqsəd dövlət sərhədinin buraxılış məntəqələrində xidmət aparan hərbi qulluqçuların nüvə və radioaktiv materialların aşkarlanması üzrə nəzəri biliklərinin və praktiki bacarıqlarının artırılması olub.

Təlim nəzəri və praktiki olmaqla iki hissədən ibarət olub.

Nəzəri hissədə Atom Enerjisi üzrə Beynəlxalq Agentliyin təşkil etdiyi təlim kurslarında iştirak etmiş ekspertlər – NRFTDA-nın Nüvə və radioloji təhlükəsizliyin ekspert qiymətləndirilməsi və maarifləndirmə şöbəsinin müdiri Mətanət Qəhrəmanova, Xüsusi icazə və Dövlət Reyestri şöbəsinin müdiri Ramin Paşayev və Nüvə və radioloji fəaliyyətə nəzarət şöbəsinin müdiri İlham Sadıqov ionlaşdırıcı şüalanma və onun növləri, qapalı radioaktiv mənbələr, radiasiya təhlükəsizliyinin əsas prinsipləri və ionlaşdırıcı şüalanma mənbələrinin fiziki mühafizəsi, idxal/ixrac əməliyyatları, aktivlik limitləri və nəqliyyat indeksləri, sahibsiz ionlaşdırıcı şüalanma mənbələrinin və nüvə materiallarının aşkar edilməsi və onların Azərbaycan Respublikasının sərhədindən keçirildiyi zaman saxlanılması hallarında dövlət orqanları arasında əlaqələndirmənin təşkili mövzularında təqdimatlarla çıxış ediblər.

Təlimin praktiki hissəsində əvvəlcədən nəqliyyat vasitəsində gizlədilmiş mənbələrin radiasiya aşkar edən portal monitor vasitəsilə qeydə alınması, mənbələrin yerinin müəyyən edilərək nəqliyyat vasitəsindən kənarlaşdırılması, aşkar olunan mənbələrin identifikasiyası üzrə təlim həyata keçirilib.

Uğurla başa çatan təlimin sonunda iştirakçıları maraqlandıran suallar cavablandırılıb.

Digər məlumatlar

FHN-in əməkdaşları idman dırmanması yarışında qızıl medallar qazanıb

21 aprel 2024-cü il tarixində Alpinizm Federasiyasının idman zalında Gənclər və İdman Nazirliyi və Azərbaycan Alpinizm Federasiyasının birgə təşkilatçılığı ilə dövlət qurumlarının əməkdaşları arasında idman dırmanması üzrə yarışlara yekun vurulub.  ...

Ardını oxu

FHN-in Aran Regional Mərkəzi tərəfindən nümunəvi obyekt mülki müdafiə məşqi keçirilib (video, foto)

Fövqəladə Hallar Nazirliyinin Aran Regional Mərkəzi tərəfindən Kürdəmir rayonunda yerləşən “Şamaxı Dairy Farm” MMC-də “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda nümunəvi obyekt mülki müdafiə məşqi keçirilib. ...

Ardını oxu

FHN-in Şimal-qərb Regional Mərkəzi nümunəvi obyekt mülki müdafiə məşqi keçirib

Fövqəladə Hallar Nazirliyinin Şimal-qərb Regional Mərkəzi tərəfindən Balakən Rayon Mərkəzi Xəstəxanasında “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda nümunəvi obyekt mülki müdafiə məşqi keçirilib. ...

Ardını oxu