Fövqəladə Hallar Nazirliyi Gəncə Regional Mərkəzinin şəxsi heyəti üçün “Heydər Əliyev İli” çərçivəsində Gəncə şəhərində yerləşən Heydər Əliyev Mərkəzinə ekskursiya təşkil olunub.

Mərkəzdə ulu öndər Heydər Əliyevin həyat və fəaliyyətinin müxtəlif dövrlərini özündə əks etdirən eksponatlarla tanış olan əməkdaşlar “dəyirmi masa” ətrafında fikir mübadiləsi aparıblar. Çıxış edənlər Ümummilli Liderin mənalı həyat və fəaliyyətindən, Azərbaycan xalqı və dövləti qarşısında misilsiz xidmətlərindən bəhs ediblər.

Çıxışlarda Ulu Öndərin mütərəqqi siyasi kursunun layiqli davamçısı Azərbaycan Prezidenti, Müzəffər Ali Baş Komandan cənab İlham Əliyevin rəhbərliyi altında ölkəmizin əldə etdiyi tarixi nailiyyətlərdən də danışılıb.

Tədbirin sonunda Ümummilli Liderin həyat və fəaliyyətindən bəhs edən sənədli film nümayiş olunub.