Geri

Fövqəladə Hallar Nazirliyinin Akademiyasında “28 May - Müstəqillik Günü” qeyd olunub

Fövqəladə Hallar Nazirliyinin Akademiyasında “28 May – Müstəqillik Günü” münasibətilə tədbir keçirilib.

Tədbirdə FHN Akademiyasının rəisinin birinci müavini polkovnik Qəzənfər Bağırov, Milli Məclisin deputatı, hüquq üzrə fəlsəfə doktoru dosent Bəhruz Məhərrəmov, ali təhsil ocağının professor-müəllim heyəti və kursantlar iştirak edib.

Azərbaycan Respublikasının Dövlət Himninin səsləndirilməsi ilə başlanan tədbirdə çıxış edən Akademiya rəisinin birinci müavini polkovnik Qəzənfər Bağırov iştirakçıları salamlayaraq onları Müstəqillik Günü münasibəti ilə təbrik edib. Bildirib ki, Azərbaycan Xalq Cümhuriyyətinin yaradılması milli dövlətçilik tariximizin parlaq səhifələrindən biridir. Şərqdə ilk demokratik respublika olan Azərbaycan Xalq Cümhuriyyəti xalqımızın dövlətçilik tarixində özünəməxsus dəyərlər miras qoyub.

Rəisin birinci müavini müasir müstəqil və güclü Azərbaycanın qurulmasında ümummilli lider Heydər Əliyevin tarixi rolundan danışıb. Qeyd edib ki, məhz xalqın tələb və təkidi ilə yenidən hakimiyyətə qayıdan Ulu Öndərin güclü iradəsi, zəngin siyasi təcrübəsi və hədsiz Vətən sevgisi sayəsində Azərbaycan parçalanmaq, müstəqilliyini itirmək təhlükəsindən xilas oldu. Bu gün Ümummilli Liderin mütərəqqi siyasi kursunun mahir davamçısı ölkə Prezidenti cənab İlham Əliyevin müdrik rəhbərliyi ilə ölkəmiz sürətlə inkişaf edir. O, cənab Prezidentin müstəqilliyimizin möhkəmləndirilməsi və dövlətimizin daha da qüdrətlənməsi üçün həyata keçirdiyi irimiqyaslı islahatlardan söz açıb, onun misilsiz xidmətlərindən bəhs edib. Bildirib ki, Müzəffər Ali Baş Komandanın rəhbərliyi altında qüdrətli Azərbaycan Ordusu tarixi Zəfərə imza ataraq 30 ilə yaxın müddətdə işğal altında olan torpaqlarımızı azad etdi, ərazi bütövlüyümüz bərpa olundu.

Tədbirdə çıxış edən Milli Məclisin deputatı Bəhruz Məhərrəmov iştirakçıları təbrik edib. O, Azərbaycan Xalq Cümhuriyyətinin yaranmasından, fəaliyyətindən söz açaraq qeyd edib ki, cəmi 23 ay ömür sürməsinə baxmayaraq, Cümhuriyyət mürəkkəb, lakin şərəfli yol keçib. Bildirib ki, 1991-ci ildə öz müstəqilliyini bərpa edən Azərbaycan xalqı qısa müddət sonra qovuşduğu müstəqilli itirmək təhlükəsi ilə üz-üzə qaldı. Yalnız ulu öndər Heydər Əliyevin uzaqgörən siyasəti, zəngin idarəçilik təcrübəsi, Vətəninə, xalqına bağlılığı sayəsində xalqımız müstəqilliyini qoruyub saxlaya bildi. O, Heydər Əliyev siyasi kursunun layiqli davamçısı Prezident, Müzəffər Ali Baş Komandan cənab İlham Əliyevin müdrik rəhbərliyi ilə 44 günlük Vətən müharibəsi dövründə Azərbaycan xalqının qazandığı tarixi Qələbədən, işğaldan azad olunmuş torpaqlarda həyata keçirilən misli görünməmiş tikinti-bərpa və quruculuq işlərindən, bu istiqamətdə gənclərin üzərinə düşən vəzifələrdən danışıb.

Digər məlumatlar

FHN-in Mülki müdafiə işinin təşkili Baş idarəsi səhra şəraitində toplantı keçirib

Fövqəladə Hallar Nazirliyin Mülki müdafiə işinin təşkili Baş idarəsi tərəfindən Nazirliyin Sumqayıt, Şimal, Muğan və Cənub Regional mərkəzlərinin mülki müdafiə məsələləri üzrə məsul vəzifəli şəxslərinə mülki müdafiənin vəziyyəti ilə bağlı “2022-ci ilin 9 ayının yekunu və 2023-cü ildə qarşıda duran vəzifələr”ə həsr olunmuş səhra şəraitində toplantı......

Ardını oxu

Kiçikhəcmli gəmi istifadəçilərinə texniki talonlar təqdim edilib

Lənkəran rayonunun Balıqçılar qəsəbəsində fəaliyyət göstərən bir qrup kiçikhəcmli gəmi istifadəçisinin müraciəti əsasında Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən qayıqlara texniki baxış keçirilib. ...

Ardını oxu

FHN “Masallı Sənaye Məhəlləsi”ndə yanğın-taktiki təlim keçirib (video, foto)

Fövqəladə Hallar Nazirliyinin Dövlət Yanğından Mühafizə Xidməti (DYMX) Masallı rayonu ərazisində yerləşən “Masallı Sənaye Məhəlləsində” yanğınların söndürülməsi mövzusunda yanğın-taktiki təlim keçirib. ...

Ardını oxu