Geri

FHN Baş əməliyyat idarəsinin təşkilatçılığı ilə komanda-qərargah təlimi keçirilib

6-8 dekabr 2022-ci il tarixlərində Fövqəlаdə Hallar Nazirliyinin Baş əməliyyat idarəsinin təşkilatçılığı ilə “Fövqəladə halların nəticələrinin aradan qaldırılması zamanı Mülki müdafiə qoşunlarının qüvvələrinin idarə edilməsinin təşkili” mövzusunda komanda-qərargah təlimi keçirilib.

Təlimə Nazirliyin Mülki müdafiə qoşunlarının hərbi hissələri cəlb olunub.

Təlimin keçirilməsində əsas məqsəd fövqəladə halların nəticələrinin aradan qaldırılması zamanı Mülki müdafiə qoşunlarının fəaliyyət istiqamətinə uyğun komandir-rəis heyətinin əməliyyat şəraitinin qiymətləndirilməsi, təhlilin aparılması, təkliflərin hazırlanması, qərarların qəbul edilməsi, qüvvə və vasitələrin idarə edilməsi üzrə vərdişlərinin daha da təkmilləşdirilməsindən ibarət olub.

Təlim zamanı Mülki müdafiə qoşunları şərti olaraq zəlzələ, sel, subasma və digər şərti fövqəladə hal baş vermiş ərazidə ümumi və xüsusi kəşfiyyatın aparılması, ərazinin mühafizəsi, əraziyə giriş-çıxışın məhdudlaşdırılması, dağıntı zonasında xilasetmə işlərinin aparılması, yanğınların söndürülməsi, ətrafa dağılan güclü təsirli zəhərləyici maddələrin neytrallaşdırılması və yayılmasının qarşısının alınması, partlayış baş vermiş obyektdə axtarış-xilasetmə işlərinin həyata keçirilməsi, zərərçəkmişlərə ilkin tibbi yardımın göstərilməsi, insanların təhlükəsiz ərazilərə köçürülməsi və onların ilkin həyat təminatının təmin edilməsi məqsədilə çadır şəhərciyində yerləşdirilməsi üzrə fəaliyyətləri yerinə yetirilib.

Ümumilikdə təlimə Mülki müdafiə qoşunları tərəfindən 1021 nəfərdən ibarət şəxsi heyət, 163 ədəd müxtəlif təyinatlı texnika cəlb olunub.

Uğurla yerinə yetirilən təlim zamanı qarşıya qoyulan məqsədlərə nail olunub.

Digər məlumatlar

Fövqəladə Hallar Nazirliyi tərəfindən silsilə maarifləndirmə tədbirləri keçirilib

Fövqəladə Hallar Nazirliyinin aidiyyəti qurumları tərəfindən fövqəladə hallarla bağlı davranış qaydaları barədə əhalinin maarifləndirilməsi məqsədilə silsilə tədbirlər keçirilib. ...

Ardını oxu

Gəncə şəhərində aparılan qanunsuz tikintinin qarşısı alınıb (video, foto)

Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyi və Dövlət Yanğın Nəzarəti Xidməti tərəfindən respublika ərazisində qanunsuz tikintilərlə bağlı birgə tədbirlərin həyata keçirilməsi davam etdirilir. ...

Ardını oxu

FHN Mətbuat xidmətinin məlumatı

Azərbaycan Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir. ...

Ardını oxu