Geri

FHN Dövlət Yanğından Mühafizə Xidməti və “Bakı Beynəlxalq Dəniz Ticarət Limanı” QSC-nin birgə məlumatı (foto)

Fövqəladə Hallar Nazirliyi Dövlət Yanğından Mühafizə Xidmətinin Qaradağ Rayon Yanğından Mühafizə Hissəsi və Bakı Beynəlxalq Dəniz Ticarət Limanı birgə təlim keçirib. Qaradağ rayonunun Ələt qəsəbəsində yerləşən Liman ərazisində keçirilən təlimdə yanğın zamanı köçürmə planı üzrə hərəkətlər uğurla icra edib.

Əsas məqsədi Liman ərazisində baş verə biləcək fövqəladə hallara qarşı mübarizə bacarığını və işçilərin təhlükəsizliyinin təmin edilməsi səviyyəsini yüksəltmək olan təlim çərçivəsində inzibati binada 2 süni yanğın ocağı formalaşdırılıb. Daha sonra həyəcan siqnalı işə düşüb və qısa zamanda Limanda yanğın baş verən ərazi üzrə mövcud olan könüllü yanğından mühafizə dəstəsi alova ilkin müdaxiləyə başlayıb. Eyni zamanda, ərazidə olan bütün şəxslər toplama məntəqəsinə yönələndirilib və müvafiq şərait qiymətləndirilərək FHN-in “112” qaynar telefon xəttinə məlumat verilib.

“Hadisə yerinə” operativ çatan FHN-in yanğından mühafizə bölmələrinin çevik reaksiya və peşəkar müdaxiləsi nəticəsində hər iki nöqtədəki “alov” qısa zamanda “söndürülüb” və yanğının texniki təlim planına uyğun olaraq hadisə nəticəsində səhhəti pisləşən bir işçi təxliyə edilərək Təcili Tibbi Yardım Briqadasına təhvil verilib. Yüksəklikdə şərti olaraq köməksiz vəziyyətdə qalmış 2 əməkdaş isə avtonərdivan vasitəsilə təxliyə edilib.

Bakı Limanı ərazisində həyata keçirilən təlim çərçivəsində Liman heyətinin hadisələrə reaksiyası və fəaliyyəti FHN-in mütəxəssisləri tərəfindən yüksək qiymətləndirilib.

Qeyd edək ki, belə təlimlər Bakı Limanında mütəmadi olaraq keçirilir.

Digər məlumatlar

Fövqəladə Hallar Nazirliyi tərəfindən məktəblilər üçün “açıq qapı” günü keçirilib

Fövqəladə Hallar Nazirliyi İctimaiyyətlə əlaqə idarəsinin təşkilatçılığı ilə məktəblilər üçün Nazirliyin Dövlət Yanğından Mühafizə Xidməti və Böhran Vəziyyətlərində İdarəetmə Mərkəzində “açıq qapı” günü keçirilib. ...

Ardını oxu

FHN Mətbuat xidmətinin məlumatı (video)

Azərbaycan Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir. ...

Ardını oxu

FHN-in Fövqəladə halların nəticələrinin aradan qaldırılması işinin təşkili Baş idarəsi “İntihar və intihara cəhd hadisələrin qarşısının alınması” mövzusunda növbəti maarifləndirmə tədbirini keçirib

Fövqəladə Hallar Nazirliyinin Fövqəladə halların nəticələrinin aradan qaldırılması işinin təşkili Baş idarəsi tərəfindən Nazirliyin müvafiq əmrinə uyğun olaraq Sumqayıt Regional Mərkəzində növbəti maarifləndirmə tədbiri həyata keçirilib. ...

Ardını oxu