Geri

Nazir Kəmaləddin Heydərov Moldova Daxili İşlər Nazirliyinin Baş katibi Sergey Diyakonu ilə görüşüb

17 noyabr 2022-ci il tarixində Azərbaycan Respublikasının fövqəladə hallar naziri general-polkovnik Kəmaləddin Heydərov Moldova Respublikası Daxili İşlər Nazirliyinin Baş katibi Sergey Diyakonu ilə görüşüb. Görüşdə Azərbaycanın Moldovada fövqəladə və səlahiyyətli səfiri Qüdsi Osmanov da iştirak edib.

Görüş zamanı nazir Kəmaləddin Heydərov Azərbaycan və Moldova arasında möhkəm dostluq və sıx əməkdaşlıq münasibətlərinin olduğunu diqqətə çatdırıb. Bu çərçivədə iki ölkənin uyğun qurumları arasında fövqəladə halların idarə edilməsi üzrə əlaqələrin daha da genişləndirilməsi üçün yaxşı imkanların mövcud olduğunu vurğulayan nazir qarşılıqlı səfərlərin və keçirilən görüşlərin münasibətlərin inkişafına faydalı təkan verdiyini qeyd edib.

Daha sonra qonağa Fövqəladə Hallar Nazirliyinin fəaliyyəti, fövqəladə halların qarşısının alınması və nəticələrinin aradan qaldırılması istiqamətində görülən işlər haqqında ətraflı məlumat verən nazir iki ölkənin uyğun qurumları arasında birgə təlim və seminarların keçirilməsinin qarşılıqlı faydalı olacağını vurğulayıb. Həmçinin, Moldova Daxili İşlər Nazirliyinin əməkdaşlarının Azərbaycan FHN-in Akademiyasında təhsil imkanları da qeyd olunub.

Səmimi görüşə görə təşəkkürünü bildirən Moldova Respublikası Daxili İşlər Nazirliyinin Baş katibi Sergey Diyakonu ölkələrimiz arasında mövcud yüksək səviyyəli münasibətlər çərçivəsində iki nazirlik arasında fövqəladə hallarla mübarizə üzrə əməkdaşlığın daha da genişləndirilməsinin qarşılıqlı faydalı olduğunu vurğulayıb. Qonaq Moldovada təbii və texnogen xarakterli fövqəladə halların idarə olunması ilə bağlı görülən işlər barədə ətraflı məlumat verib, qarşılıqlı səfərlərin, birgə təlim və seminarların, təhsil proqramlarının təşkilinin əhəmiyyətini qeyd edib. 

Görüşdə qarşılıqlı maraq doğuran məsələlər, o cümlədən fövqəladə halların nəticələrinin aradan qaldırılması üzrə ikitərəfli saziş layihəsi barədə geniş fikir mübadiləsi aparılıb.

Görüşdən sonra qonaq FHN Böhran Vəziyyətlərində İdarəetmə Mərkəzinin Əməliyyat zalı və İctimaiyyətlə əlaqə idarəsinin Multimedia mərkəzinin fəaliyyəti ilə yerində tanış olub.

Digər məlumatlar

Fövqəladə Hallar Nazirliyi tərəfindən məktəblilər üçün “açıq qapı” günü keçirilib

Fövqəladə Hallar Nazirliyi İctimaiyyətlə əlaqə idarəsinin təşkilatçılığı ilə məktəblilər üçün Nazirliyin Dövlət Yanğından Mühafizə Xidməti və Böhran Vəziyyətlərində İdarəetmə Mərkəzində “açıq qapı” günü keçirilib. ...

Ardını oxu

FHN Mətbuat xidmətinin məlumatı (video)

Azərbaycan Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir. ...

Ardını oxu

FHN-in Fövqəladə halların nəticələrinin aradan qaldırılması işinin təşkili Baş idarəsi “İntihar və intihara cəhd hadisələrin qarşısının alınması” mövzusunda növbəti maarifləndirmə tədbirini keçirib

Fövqəladə Hallar Nazirliyinin Fövqəladə halların nəticələrinin aradan qaldırılması işinin təşkili Baş idarəsi tərəfindən Nazirliyin müvafiq əmrinə uyğun olaraq Sumqayıt Regional Mərkəzində növbəti maarifləndirmə tədbiri həyata keçirilib. ...

Ardını oxu