Geri

FHN Dövlət Yanğın Nəzarəti Xidməti nəzarət tədbirlərini davam etdirir (video, foto)

Ötən il ərzində açıq sahələrdə, meşə və meşəətrafı ərazilərdə, eləcə də biçilmiş və biçilməmiş əkin sahələrində baş vermiş yanğın hadisələri və onların səbəbləri Fövqəladə Hallar Nazirliyinin Dövlət Yanğın Nəzarəti Xidmətində təhlil edilib, yaz-yay mövsümündə, o cümlədən dənli və texniki bitkilərin yığılması, daşınması və saxlanması dövründə yanğınların daha çox baş verdiyi ərazilər müəyyən edilib.

Bunun nəticəsi olaraq, Xidmət tərəfindən yanğın hadisələrinin qarşısının alınması məqsədilə yanğınların baş vermə ehtimalı yüksək olan yerlərdə yerli icra hakimiyyəti orqanları və bələdiyyələr, həmçinin aidiyyəti təşkilatlarla birlikdə yanğın təhlükəsizliyi qaydalarının tələblərinə uyğun olaraq, əkin sahələri və meşə ərazilərinin ətrafının, avtomobil və dəmir yolları, yüksək gərginlikli hava elektrik xətləri və digər kommunikasiyalar keçən və bunlara yaxın olan sahələrin şumlanması üsulu ilə yanğına qarşı mühafizə zolaqlarının yaradılması işlərinə başlanılıb.

Qeyd olunan məsələ ilə əlaqədar Dövlət Yanğın Nəzarəti Xidməti tərəfindən aidiyyəti təşkilatlara rəsmi müraciətlər ünvanlanıb, zəruri tədbirlərin həyata keçirilməsi və müvafiq rejimə əməl olunmasının əhəmiyyəti bir daha diqqətə çatdırılıb. Həmçinin, meşə mühafizəsi və bərpası müəssisələrinin, fermer təsərrüfatları və fərdi sahibkarların yanğın təhlükəsizliyi sahəsində maarifləndirilməsi istiqamətində də müvafiq işlər həyata keçirilir.

Xidmət bu istiqamətdə tədbirlərini davam etdirir.




 













Digər məlumatlar

FHN Mətbuat xidmətinin məlumatı

Azərbaycan Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir. ...

Ardını oxu

“Su hövzələrində təhlükəsizliyin təmin olunması” mövzusunda növbəti müşavirə keçirilib

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti ilə FHN-in Bakı Regional Mərkəzi Bakı şəhərinin Binəqədi rayonunda “Su hövzələrində təhlükəsizliyin təmin olunması” mövzusunda müşavirə keçirib. ...

Ardını oxu

Gözlənilən hava şəraiti ilə əlaqədar Fövqəladə Hallar Nazirliyinin əhaliyə müraciəti

Milli Hidrometeorologiya Xidmətinin məlumatına görə, bu gün axşamdan başlayaraq mayın 21-dək ölkə ərazisində hava şəraitinin yağıntılı keçəcəyi, yağışın ayrı-ayrı yerlərdə leysan xarakterli intensiv olacağı, şimşək çaxacağı, dolu düşəcəyi, bəzi dağ çaylarından qısamüddətli daşqın və sel keçəcəyi, ayrı-ayrı yerlərdə güclü külək əsəcəyi proqnozlaşdırılır.  ...

Ardını oxu