Geri

FHN işçiləri Həmkarlar İttifaqının dəstəyi ilə Dövlət Yanğından Mühafizə Xidmətinin bölmələri arasında baxış-müsabiqə keçirilib

Fövqəladə Hallar Nazirliyinin Dövlət Yanğından Mühafizə Xidmətində (DYMX) FHN işçiləri Həmkarlar İttifaqının dəstəyi və Nazirlik yanında İctimai şura üzvlərinin iştirakı ilə “Ən yaxşı bölmə” adı uğrunda baxış-müsabiqə keçirilib. Müsabiqənin keçirilməsində məqsəd yanğından mühafizə bölmələrinin şəxsi heyətinin bilik və bacarıqlarının təkmilləşdirilməsi, o cümlədən yanğınların söndürülməsinin təşkili və taktikası üzrə düzgün qərarların qəbulunda bölmələrin peşə və taktiki hazırlıq səviyyəsinin yüksəldilməsi olub.

Baxış müsabiqəsində Bakı, Sumqayıt şəhərlərinin və Abşeron rayonunun yanğından mühafizə bölmələri komandalar şəklində iştirak edib. 27 komandanın iştirak etdiyi baxış-müsabiqədə birinci yerə DYMX Binəqədi rayon Yanğından Mühafizə Hissəsinin 2 nömrəli Yanğından Mühafizə Bölməsi, ikinci yerə Binəqədi rayon Yanğından Mühafizə Hissəsinin 5 nömrəli Yanğından Mühafizə Bölməsi, üçüncü yerə isə Səbail rayon Yanğından Mühafizə Hissəsinin 26 nömrəli Yanğından Mühafizə Bölməsi layiq görülüb.

Qaliblər FHN işçiləri Həmkarlar İttifaqı və Dövlət Yanğından Mühafizə Xidməti tərəfindən mükafatlandırılıb.

 

 

Digər məlumatlar

FHN Dövlət Yanğın Nəzarəti Xidməti təhsil müəssisələrində maarifləndirmə tədbirlərini davam etdirir

Fövqəladə Hallar Nazirliyi Dövlət Yanğın Nəzarəti Xidmətinin Sumqayıt regional Dövlət Yanğın Nəzarəti İdarəsi Sumqayıt şəhərində yerləşən bir sıra orta məktəblərdə, həmçinin Sumqayıt şəhər İnteqrasiya təlimli internat tipli gimnaziyada və Sumqayıt şəhər 10 saylı peşə liseyində yanğına qarşı maarifləndirmə tədbirləri keçirib. ...

Ardını oxu

Pambıq tədarükü zamanı yanğın təhlükəsizliyinin təmin olunmasına dair tədbirlər davam etdirilir

Fövqəladə Hallar Nazirliyinin Dövlət Yanğın Nəzarəti Xidmətinin Muğan regional Dövlət Yanğın Nəzarəti İdarəsi Salyan rayonu ərazisində fəaliyyət göstərən “Azərpambıq ASK" və "P-Aqro" Məhdud Məsuliyyətli cəmiyyətlərinin pambıq qəbulu məntəqələrində yanğın təhlükəsizliyinin təmin olunmasına dair maarifləndirmə tədbirləri keçirib....

Ardını oxu

Gözlənilən hava şəraiti ilə əlaqədar Fövqəladə Hallar Nazirliyinin əhaliyə müraciəti

Milli Hidrometeorologiya Xidmətinin məlumatına görə, sentyabrın 16-sı axşamdan başlayaraq 18-i gündüzədək ölkə ərazisində hava şəraitinin dəyişəcəyi, güclü külək əsəcəyi, müəyyən yerlərdə leysan xarakterli intensiv yağış yağacağı və şimşək çaxacağı, bəzi dağ çaylarından qısamüddətli sel keçəcəyi proqnozlaşdırılır....

Ardını oxu