Geri

Fövqəladə Hallar Nazirliyi işçilərinin Həmkarlar İttifaqı işğaldan azad olunmuş ərazilərdə xidmət göstərən Fövqəladə Hallar Nazirliyinin hissələrində Zəfər Günü münasibətilə tədbirlər keçirib

6-8 noyabr 2021-ci il tarixlərində Fövqəladə Hallar Nazirliyi işçilərinin Həmkarlar İttifaqı tərəfindən 8 Noyabr - Zəfər  Günü münasibətilə Şuşa, Füzuli, Ağdam, Kəlbəcər, Cəbrayıl, Zəngilan, Xocavənd, Qubadlı rayonlarında və Suqovuşan ərazisində yerləşən FHN-in Dövlət Yanğından Mühafizə və Xüsusi Riskli Xilasetmə xidmətlərinin hissələrində görüşlər keçirilib.

Tədbirlərdə Fövqəladə Hallar Nazirliyi işçilərinin Həmkarlar İttifaqının sədri Mehman İsmayılov və FHN-in Qarabağ Regional Mərkəzinin rəisi polkovnik Mirəli Feyziyev iştirak ediblər.

Görüşlərdə ilk olaraq Azərbaycanın azadlığı və ərazi bütövlüyünün təmin olunması zamanı canlarını fəda etmiş şəhidlərimizin, həmçinin erməni terrorizmi nəticəsində həyatlarını itirmiş soydaşlarımızın əziz xatirəsi bir dəqiqəlik sükutla yad edilib.

Tədbirlərdə çıxış edən FHN işçilərinin Həmkarlar İttifaqının sədri Mehman İsmayılov Azərbaycanın qəhrəmanlıq tarixinə qızıl hərflərlə yazılan, Azərbaycan Prezidenti, Müzəffər Ali Baş Komandan cənab İlham Əliyevin müdrik rəhbərliyi altında 44 günlük Vətən müharibəsində ordumuzun böyük şücaəti və misilsiz qəhrəmanlığı sayəsində qazanılmış parlaq Qələbə münasibətilə təbriklərini çatdırıb.

Zəfər Gününün tarixi əhəmiyyətindən danışan Mehman İsmayılov vurğulayıb ki, 28 illik həsrətdən sonra noyabrın 8-də Azərbaycanın mədəniyyət beşiyi, Qarabağın tacı olan Şuşa şəhərinin azad edilməsi dünya hərb tarixinə düşəcək unikal hərbi əməliyyatlardan olub və Vətən müharibəsinin taleyində həlledici rol oynayıb. Ermənistan iki gün sonra öz məğlubiyyətini etiraf edərək məcburi qaydada kapitulyasiya aktına imza atıb.

İttifaq sədri qazanılan möhtəşəm Zəfərdə Azərbaycan Prezidenti, Müzəffər Ali Baş Komandan İlham Əliyevin misilsiz xidmətlərindən danışarkən xüsusi vurğulayıb ki, Azərbaycan xalqı daim bir yumruq kimi öz müdrik Prezidentinin ətrafında sıx birləşəcəkdir.

Natiq çıxışı zamanı Vətən müharibəsi dövründə Nazirliyin əməkdaşlarının fəaliyyətinə toxunaraq bildirib ki, FHN-in qüvvələri də müharibə dövründə əzmkarlıq nümayiş etdirib, düşmən tərəfindən ağır artilleriya qurğularından və raketlərdən atəşə məruz qalan yaşayış məntəqələrinin yanğından mühafizəsində və xilasetmə işlərində rəşadət göstəriblər.

Çıxışının sonuda işğaldan azad olunmuş ərazilərdə xidmət edən əməkdaşların şərəfli və məsul vəzifə daşıdıqlarını vurğulayan Mehman İsmayılov onlara göstərdikləri fədakarlıqlara görə təşəkkürünü bildirib.

Görüşlər zamanı hər bir hissəyə FHN İşçilərinin Həmkarlar İttifaqı tərəfindən zəruri sovqatlar təqdim edilib.

Digər məlumatlar

Azərbaycan Respublikasının fövqəladə hallar naziri Kəmaləddin Heydərov Masallı şəhərində vətəndaşları qəbul edəcək

Azərbaycan Respublikasının fövqəladə hallar naziri Kəmaləddin Heydərov tərəfindən Yardımlı şəhərində keçirilməsi nəzərdə tutulan vətəndaşların qəbulunun tarixi və yeri dəyişib. ...

Ardını oxu

FHN Mətbuat xidmətinin məlumatı (video, foto)

26 dekabr 2023-cü il tarixində İmişli rayonu, Qaragüvəndikli kəndində, Boztəpə kanalında batması ehtimal olunan 2013-cü il təvəllüdlü Xankişiyev Rasim Vasif oğlunun axtarışları Fövqəladə Hallar Nazirliyinin qüvvələri tərəfindən intensiv şəkildə davam etdirilir. ...

Ardını oxu

FHN Mətbuat xidmətinin məlumatı

Azərbaycan Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir. ...

Ardını oxu