Geri

FHN-in Gəncə Regional Mərkəzində “açıq qapı günü” keçirilib

Fövqəladə Hallar Nazirliyinin Gəncə Regional Mərkəzində 14 oktyabr 2021-ci il tarixində Dövlət Yanğın Nəzarəti Xidmətinin Gəncə Regional Dövlət Yanğın Nəzarəti İdarəsi ilə birgə Gəncə ASAN könüllüləri üçün “açıq qapı günü” keçirilib.

Tədbirin keçirilməsində məqsəd könüllülərin FHN Gəncə Regional Mərkəzinin fəaliyyəti, o cümlədən qəza-xilasetmə əməliyyatlarında istifadə edilən xilasetmə texnika və avadanlıqları ilə tanış olması, eyni zamanda onlara fövqəladə hallarla bağlı davranış qaydaları barədə biliklərin aşılanması olub.

Vətən müharibəsi zamanı canından keçmiş şəhidlərimizin əziz xatirəsinin bir dəqiqəlik sükutla yad edilməsi ilə başlanan tədbirdə, əvvəlcə FHN-in Gəncə Regional Mərkəzinin rəisi polkovnik Asif Məmmədli Mərkəzin fəaliyyəti barədə ətraflı danışaraq, fərdi və ictimai təhlükəsizlik qaydalarına qarşı məsuliyyətin artırılması, hərbi vətənpərvərlik mövzularında çıxış edib.

Mərkəzin inzibati binasında “Ümummilli Lider Heydər Əliyev guşəsi” ziyarət edildikdən sonra pandemiya qaydaları qorunmaqla Mərkəzin akt zalında davam etdirilən tədbirdə, iştirakçılara təbii və texnogen mənşəli fövqəladə hallar, ölkəmiz üçün xarakterik olan fövqəladə halların baş vermə səbəbləri və bu zaman zəruri davranış qaydaları barədə ətraflı məlumat verilib.

Daha sonra tədbir iştirakçıları xüsusi xilasetmə hissəsinin şəxsi heyətinin kazarması və sinif otağında aparılan dərslərlə tanış olublar. Həmçinin, tədbir çərçivəsində xüsusi xilasetmə hissəsinin şəxsi heyətinə şərti "həyəcan" siqnalı verilərək, xilasetmə işləri, o cümlədən köməksiz vəziyyətdə qalmiş yaralının xilas edilməsi əməliyyatı nümayiş olunub.

Könüllülər qəza-xilasetmə texnikaları, alət və avadanlıqları ilə də tanış olub, onların iş prinsipləri barədə ətraflı məlumat alıblar.

Könüllülərin böyük marağına səbəb olmuş “açıq qapı günündə” onların mövzu ilə bağlı sualları cavablandırılıb.

Digər məlumatlar

FHN-in Cənub Regional Mərkəzi təlim keçirib

15 oktyabr 2021-ci il tarixində Fövqəladə Hallar Nazirliyinin Cənub Regional Mərkəzi Dövlət Yanğından Mühafizə Xidməti Lənkəran rayon Yanğından Mühafizə Hissəsinin Liman bölməsində “Alpinist ləvazimatlarından istifadə etməklə zərərçəkmişin xilas edilməsi” mövzusunda təlim keçirib....

Ardını oxu

FHN Mətbuat xidmətinin məlumatı

Azərbaycan Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir....

Ardını oxu

Nərimanov rayonunda ticarət obyektlərində baş vermiş yanğın söndürülüb

Məlumat verildiyi kimi, bü gün Bakı şəhəri, Nərimanov rayonu, Təbriz küçəsində yerləşən ticarət obyektlərində yanğın baş verib və Fövqəladə Hallar Nazirliyinin Dövlət Yanğından Mühafizə Xidməti və Xüsusi Riskli Xilasetmə Xidmətinin müvafiq qüvvələri dərhal yanğınla mübarizə tədbirlərinə cəlb olunub....

Ardını oxu