Geri

Naftalan şəhər Dövlət Yanğından Mühafizə Hissəsinin əməkdaşları Vətən müharibəsi zamanı fəaliyyətlərinə görə mükafatlandırılıb

Azərbaycan Respublikasının Prezidenti, Müzəffər Ali Baş Komandan cənab İlham Əliyevin rəhbərliyi ilə Vətən müharibəsində tarixi Qələbənin qazanılmasında digər qurumlar kimi Fövqəladə Hallar Nazirliyinin (FHN) Dövlət Yanğından Mühafizə Xidmətinin (DYMX) əməkdaşları da öz fədakarlıqları ilə seçiliblər. 

Vətən müharibəsi zamanı qəhrəmanlıq göstərərək öz xidməti vəzifələrini layiqincə yerinə yetirən yanğınsöndürənlərin fəaliyyətini qiymətləndirmək məqsədilə FHN İşçilərinin Həmkarlar İttifaqı tərəfindən Dövlət Yanğından Mühafizə Xidmətinin əməkdaşları ilə görüşlər təşkil edilir.

Növbəti belə görüşlərdən biri FHN DYMX Naftalan şəhər Dövlət Yanğından Mühafizə hissəsində təşkil olunub. Tədbirdə çıxış edən FHN İşçilərinin Həmkarlar İttifaqının sədri Mehman İsmayılov Ermənistanın Azərbaycana qarşı ərazi iddialarından, həyata keçirdiyi işğalçılıq siyasətindən danışıb. Natiq Müzəffər Ali Baş Komandanın rəhbərliyi altında hər kəsin öz vəzifəsini layiqincə yerinə yetirmək üçün səfərbər olduğunu və nəticəsi olaraq rəşadətli Azərbaycan ordusu tərəfindən 44 gün ərzində düşmən tapdağı altında olan torpaqlarımızın azad edildiyini vurğulayıb.

M.İsmayılıov qeyd edib ki, Vətən müharibəsində FHN-in bütün strukturları digər qurumlar kimi Ali Baş Komandanın ətrafında sıx birləşərək qələbənin qazanılmasında öz töhfələrini veriblər. FHN-in digər strukturları kimi Dövlət Yanğından Mühafizə Xidmətinin əməkdaşları da müharibə dövründə əzmkarlıq nümayiş etdirib, düşmən tərəfindən ağır artilleriya qurğularından və raketlərdən atəşə məruz qalan yaşayış məntəqələrinin yanğından mühafizəsində rəşadət göstəriblər.

Bildirilib ki, müharibənin ilk günlərindən başlayaraq Naftalan şəhəri və ətraf yaşayış məntəqələri daim Ermənistan silahlı bölmələrinin artilleriya atəşinə məruz qalıb. Gücləndirilmiş iş rejimində çalışan Naftalan şəhər Dövlət Yanğından Mühafizə Hissəsinin əməkdaşları düşmənin atəşi nəticəsində baş verən yanğınların söndürülməsində əzmkarlıq göstəriblər. Yanğınları söndürərkən öz həyatlarını təhlükəyə atan yanğınsöndürənlərin bu şərəfli vəzifənin öhdəsindən layiqincə gəldikləri xüsusi vurğulanıb.

Görüş zamanı Naftalan şəhər Dövlət Yanğından Mühafizə Hissəsinin şəxsi heyəti FHN İşçilərinin Həmkarlar İttifaqı tərəfindən fəxri fərmanlar və hədiyyələrlə mükafatlandırılıb. 

Digər məlumatlar

FHN Mətbuat xidmətinin məlumatı (video)

Bu gün günorta saatlarında Fövqəladə Hallar Nazirliyinin “112” qaynar telefon xəttinə Ağdam rayonunun Quzanlı qəsəbəsində kafedə yanğın baş verməsi barədə məlumat daxil olub....

Ardını oxu

FHN-in Dövlət Yanğın Nəzarəti Xidməti Gəncədə maarifləndirmə tədbiri keçirib

Fövqəladə Hallar Nazirliyinin Dövlət Yanğın Nəzarəti Xidmətinin Gəncə regional Dövlət Yanğın Nəzarəti İdarəsi “Gəncə” MTK-ya məxsus hündürmərtəbəli yaşayış binasının sakinlərinin iştirakı ilə yanğına qarşı maarifləndirmə tədbiri keçirib. ...

Ardını oxu

Kiçikhəcmli gəmi istifadəçilərinə təhlükəsizlik qaydaları izah olunub

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti Lənkəran rayonunun Balıqçılar qəsəbəsində “Kiçikhəcmli gəmilərin təhlükəsiz istismarı” mövzusunda maarifləndirilmə tədbiri keçirib. ...

Ardını oxu