FHN Akademiyasına sənəd qəbulu 8-19 iyul 2020-ci il tarixlərində məsafədən davam etdiriləcək
Fövqəladə Hallar Nazirliyinin Akademiyasına qəbul olmaq istəyən namizədlər aşağıda qeyd olunan sənədləri pdf formatında 8-19 iyul 2020-ci il tarixlərində sqk@fhn.gov.az elektron ünvanına göndərməklə namizəd kimi qeydə alınacaqlar:
- Şəxsiyyət vəsiqəsinin surəti;
- Doğum haqqında şəhadətnamənin surəti;
- Orta təhsil haqqında attestatın surəti (11-ci sinif şagirdləri üçün müvafiq arayış);
- Orta məktəbdən, iş yerindən və ya hərbi hissədən xasiyyətnamə;
- Hərbi bilet və ya çağırış məntəqəsinə təhkim edilmə vəsiqəsinin surəti;
- Dövlət İmtahan Mərkəzində qeydiyyatdan keçmə haqqında elektron ərizənin surəti;
- FHN Akademiyasına qəbulla bağlı elektron ərizənin imzalanmış surəti.
- Sorğu vərəqini dolduraraq imzalanmış surəti.
Elektron müraciəti əsasında namizəd kimi qeydə alınan abituriyentin fiziki hazırlığını müayinə etmək məqsədilə elektron ünvanına FHN-in Xüsusi Həkim Ekspertiza Komissiyasına getməsi üçün göndəriş ötürüləcək. Namizəd göndərişə aşağıda qeyd edilən sənədləri əlavə etməklə göstərilən tarixdə müayinə olunmaq üçün Bakı şəhəri, Biləcəri qəsəbəsi, R.İsmayılov küçəsi, 124 ünvanında yerləşən Xüsusi Həkim Ekspertiza Komissiyasına şəxsən gəlməlidir:
- Yaşayış yeri üzrə qeydiyyatda olduğu poliklinikadan son 5 (beş) ilə aid qısa epiqriz;
- QİÇS (SPİD) olmaması barədə arayış;
- Vərəm dispanserindən arayış;
- Ruhi-əsəb dispanserindən arayış;
- Narkoloji dispanserdən arayış;
- Dəri-zöhrəvi dispanserindən arayış.
* Sorğu vərəqinin şablonunu buradan yükləyə bilərsiniz.
* Seçdiyiniz ixtisasa uyğun ərizə formasını aşağıdan yükləyə bilərsiniz.
Həyat fəaliyyətinin təhlükəsizliyi mühəndisliyi
Yanğın təhlükəsizliyi mühəndisliyi
Əlaqə telefonları: (012) 512-41-61
WhatsApp: (055) 754-12-39 ; (070) 745-16-45
Digər məlumatlar
FHN Mətbuat xidmətinin məlumatı
8 mart 2021-ci il tarixində səhər saatlarında Bakı şəhəri, Səbail rayonu, Badamdar-20-ci sahə avtomobil yolunun......
Ardını oxuFHN Mətbuat xidmətinin məlumatı (video, foto)
Bu gün səhər saatlarından başlayaraq ölkə ərazisində, xüsusilə də Abşeron yarımadasında güclü küləyin əsməsi bir sıra fəsadlara yol açıb....
Ardını oxuFHN Mətbuat xidmətinin məlumatı (video)
7 mart 2021-ci il tarixində gecə saatlarında Fövqəladə Hallar Nazirliyinin (FHN) "112" qaynar telefon xəttinə Xızı rayonunun Qızılqazma kəndində 2 nəfərin "ВАЗ" markalı minik avtomobilində qarlı-şaxtalı hava şəraitində yolda köməksiz vəziyyətdə qalması barədə məlumat daxil olub....
Ardını oxu