Geri

FHN-in Modul Tipli Hospitalının həkimləri ABŞ-dan olan həmkarları ilə “COVID-19” xəstələrinin müalicə üsulunu müzakirə ediblər

Azərbaycan Respublikası Fövqəladə Hallar Nazirliyinin Tibb Mərkəzinin Modul Tipli Hospitalının qısa müddətdə istifadəyə verilməsi, burada təşkil olunmuş peşəkar tibbi xidmət “COVID-19” xəstəliyi ilə mübarizədə Azərbaycan Respublikasının Prezidenti cənab İlham Əliyevin və Birinci vitse-prezident Mehriban xanım Əliyevanın vətəndaşların sağlamlığının qorunmasına göstərdikləri xüsusi diqqət və qayğının təzahürüdür.

Bu diqqət və qayğının nəticəsi olaraq Modul Tipli Hospital koronavirusa yoluxanlara yüksək səviyyəli tibbi xidmətin təmin edilməsi məqsədilə xarici tərəfdaşlarla sıx təcrübə mübadiləsi həyata keçirir.

Belə ki, 15 noyabr 2020-ci il tarixində Azərbaycan Respublikası Fövqəladə Hallar Nazirliyinin Tibb Mərkəzinin Modul Tipli Hospitalının həkimləri ilə ABŞ-ın Yuta Ştatının Tibb Universitetinin tanınmış dosenti Dr. Mir-Mustafa Mir-Kasimov arasında videobağlantı formatında seminar – təcrübə mübadiləsi təşkil edilib. Müzakirə edilən mövzular ağır və çox ağır “COVID-19” xəstələri, onların reanimasiya şəraitində menecmenti, ən son müalicə protokolları, habelə intubasiya və ağciyərlərin fəaliyyətinin dəstəklənməsi üçün istifadə edilən süni tənəffüs cihazlarının tətbiqi və “SARS-CoV-2” virusunun törətdiyi fəsadların menecmenti ilə bağlı digər məsələlər olub.

Seminar çərçivəsində amerikalı mütəxəssis azərbaycanlı həmkarları ilə ABŞ təcrübəsini paylaşıb, hazırda tətbiq edlən ən son təlimat və protokollar müzakirə edilib.

Qeyd edək ki, Modul Tipli Hospitalla müxtəlif ölkələrin “COVID-19” ilə mübarizə aparan tanınmış tibb ocaqları arasında bu cür videobağlantıların mütəmadi təşkil edilməsi planlaşdırılır. Belə ki, növbəti həftələrdə ABŞ, Türkiyə və İsrailin reanimatoloqları ilə seminar-müzakirələrin davam etdirilməsi nəzərdə tutulur. Ümumiyyətlə, son bir neçə ay ərzində FHN-in Tibb Mərkəzinin Modul Tipli Hospitalında çalışan həkimlərin, orta və kiçik tibb personalının fəaliyyətinin təkmilləşdirilməsi, təcrübə mübadiləsi məqsədilə çoxsaylı təlim və seminarlar təşkil edilib.

 

Digər məlumatlar

FHN-in İdman-Sağlamlıq Mərkəzinin əməkdaşları şəhid ailələrini ziyarət ediblər (foto-video)

24 noyabr 2020-ci il tarixində Azərbaycan Respublikası Fövqəladə Hallar Nazirliyi İdman-Sağlamlıq Mərkəzinin kollektivi paytaxtın Suraxanı rayonunun Hövsan qəsəbəsində yaşayan 2-ci Qarabağ müharibəsində şəhid olmuş hərbiçilərimzin ailələrini ziyarət ediblər. ...

Ardını oxu

FHN Dövlət Yanğın Nəzarəti Xidməti tərəfindən yanğın təhlükəsizliyi qaydalarının pozulmasının qarşısı alınıb (video)

Fövqəladə Hallar Nazirliyinin Dövlət Yanğın Nəzarəti Xidməti tərəfindən, öz səlahiyyətlərinə uyğun olaraq, Gəncə şəhəri, Səfəvilər küçəsində yerləşən mebel sexində planlı yoxlama zamanı yanğın təhlükəsizliyi sahəsində çoxsaylı nöqsanların mövcud oluğu müəyyən edilib. Yoxlama zamanı yanğın təhlükəsizliyi sahəsində aşkar edilmiş nöqsanların insan həyatı və ya sağlamlığına, ətraf mühitə......

Ardını oxu

FHN-in Dövlət Yanğın Nəzarəti Xidmətinin yerli strukturları işğaldan azad olunmuş ərazilərdə fəaliyyətə başlayıb

Azərbaycan Respublikasının Fövqəladə Hallar Nazirliyi işğaldan azad edilmiş ərazilərimizdə müvafiq strukturlarının təşkilini davam etdirir. Bu istiqamətdə növbəti addım olaraq, Fövqəladə Hallar Nazirliyi Dövlət Yanğın Nəzarəti Xidmətinin Qarabağ Regional Dövlət Yanğın Nəzarəti İdarəsinin müvafiq bölmələri Füzuli, Cəbrayıl, Zəngilan, Qubadlı və Xocavənd rayonlarında fəaliyyətə başlayıb....

Ardını oxu