Geri

FHN-in İdman-Sağlamlıq Mərkəzində ilin yekunlarına həsr olunmuş tədbir keçirilmişdir

28 dekabr 2018-ci ildə Fövqəladə Hallar Nazirliyinin İdman Sağlamlıq Mərkəzində ilin yekunlarına həsr olunmuş görüş və yığıncaq keçirilmişdir.

Görüşdə Azərbaycan Xalq Cümhuriyyətinin 100 illiyinə həsr edilmiş  idman tədbirlərində fəal iştirak etmiş, mükafat qazanmış Nazirliyin struktur  qurumlarının rəhbərləri və Beynəlxalq miqyaslı tədbirlərdə, o cümlədən Avropa, Dünya çempionatları və turnirlərdə yüksək nəticələr göstərmiş idmançı-əməkdaşlar iştirak etmişdir.

Fövqəladə hallar nazirinin müavini tibb xidməti general-leytenantı Faiq Tağı-zadənin iştirak etdiyi tədbirdə əvvəlcə Fövqəladə Hallar Nazirliyinin İdman Sağlamlıq Mərkəzinin fəaliyyətini əks etdirən film nümayiş etdirilmişdir.

Daha sonra nazir müavini tibb xidməti general-leytenantı Faiq Tağı-zadə çıxış edərək, Mərkəzin işini yüksək qiymətləndirmiş, kollektivə uğurlar, idmançı-əməkdaşlara yeni ildə yeni idman zirvələrini fəth etməyi arzulamışdır.

Gənclər və İdman Nazirliyinin idman şöbəsinin müdiri Fərid Mansurov, Bakı Şəhər Gənclər və İdman Baş İdarəsinin rəisi Raqif Abbasov İdman Sağlamlıq Mərkəzinin kollektivini il ərzində qazandıqları nailiyyətlərə görə təbrik edərək, uğurlar arzulamışlar.

Daha sonra 2018-ci ilin idman tədbirlərinin yekununa əsasən fəxri yerləri tutmuş qurumlar İSM-nin təsis etdiyi müvafiq dərəcəli diplom və kuboklarla, Beynəlxalq miqyaslı yarışlarda nəticələr göstərmiş idmançı-əməkdaşlar isə fəxri fərman və qiymətli hədiyyələrlə mükafatlandırılmışlar. Həmçinin qurum rəhbərlərinə qazanılan yüksək nəticələrə və idmançılarına göstərdikləri dəstəyə görə fəxri fərmanlar təqdim edilmişdir.

Digər məlumatlar

FHN-in Aran Regional Mərkəzi tərəfindən nümunəvi obyekt mülki müdafiə məşqi keçirilib (video, foto)

Fövqəladə Hallar Nazirliyinin Aran Regional Mərkəzi tərəfindən Kürdəmir rayonunda yerləşən “Şamaxı Dairy Farm” MMC-də “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda nümunəvi obyekt mülki müdafiə məşqi keçirilib. ...

Ardını oxu

FHN-in Şimal-qərb Regional Mərkəzi nümunəvi obyekt mülki müdafiə məşqi keçirib

Fövqəladə Hallar Nazirliyinin Şimal-qərb Regional Mərkəzi tərəfindən Balakən Rayon Mərkəzi Xəstəxanasında “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda nümunəvi obyekt mülki müdafiə məşqi keçirilib. ...

Ardını oxu

FHN tərəfindən Azərbaycan Texniki Universitetində elmi konfrans keçirilib

Fövqəladə Hallar Nazirliyinin Regional mərkəzlərlə işin təşkili, layihələrin idarə edilməsi və təhsil məsələləri üzrə Baş idarəsi, Bakı Regional Mərkəzi və Azərbaycan Tələbə Gənclər Təşkilatları İttifaqının (ATGTİ) birgə təşkilatçılğı ilə Azərbaycan Texniki Universitetində (ATU) “COP29 tələbləri: iqlim dəyişikliyi və təbii fəlakətlərə qarşı müqavimət” mövzusunda elmi konfrans keçirilib. ...

Ardını oxu