Geri

Nazir Kəmaləddin Heydərov Qətər Dövlətinin milli günü münasibətilə təşkil olunmuş rəsmi qəbulda iştirak etmişdir

Azərbaycan Respublikası Hökuməti ilə Qətər Dövləti Hökuməti arasında Birgə İqtisadi, Ticarət və Texniki Komissiyanın həmsədri, fövqəladə hallar naziri Kəmaləddin Heydərov Qətər Dövlətinin milli günü münasibətilə dekabrın 17-də Qətər Dövlətinin ölkəmizdəki səfirliyi tərəfindən təşkil edilmiş rəsmi qəbulda iştirak etmişdir.

Qəbulda çıxış edən nazir Kəmaləddin Heydərov bu bayram münasibətilə Qətər xalqını Azərbaycan Respublikasının Prezidenti cənab İlham Əliyevin adından təbrik etmiş, belə əlamətdar bir gündə Qətər Dövlətinə əmin-amanlıq, yüksək rifah və davamlı tərəqqi arzulamışdır.

Qətər Dövlətinin əldə etdiyi uğurlu inkişaf dinamikası sayəsində beynəlxalq sistemdə rəqabətə dayanıqlı və ən zəngin iqtisadiyyata malik ölkələr arasında qərar tutduğunu vurğulayan nazir məmnunluq hissi ilə qeyd etmişdir ki, Azərbaycan Respublikası və Qətər Dövləti arasındakı dostluq münasibətlərinin xoş ənənələri mövcuddur. Nazir demişdir ki, xalqlarımız arasında mövcud olan dini-mədəni bağlar səbəbilə beynəlxalq aləmdə mövqelərimizin üst-üstə düşməsi ölkələrimizi bir birinə yaxınlaşdıran mühüm amillərdəndir. Azərbaycan və Qətərin bir sıra beynəlxalq təşkilatlar çərçivəsində uğurlu strateji əməkdaşlıq həyata keçirdiyini deyən nazir, Ermənistan-Azərbaycan Dağlıq Qarabağ münaqişəsi ilə əlaqədar beynəlxalq təşkilatlar çərçivəsində aparılan müzakirələr və müvafiq qətnamələrin qəbul edilməsi zamanı Qətər Dövlətinin Azərbaycanın haqlı mövqeyini daim dəstəkləməsinin ölkəmiz tərəfindən yüksək qiymətləndirildiyini bildirmişdir.

Ölkələrimiz arasında ikitərəfli diplomatik əlaqələrin əsasının 1994-cü ildə qoyulduğunu xatırladan nazir qeyd etmişdir ki, ötən dövr ərzində həyata keçirilən yüksək səviyyəli qarşılıqlı səfərlər – 2004 və 2017-ci illərdə Azərbaycan Respublikasının Prezidenti cənab İlham Əliyevin Qətərə, o cümlədən 2007-ci ildə Qətər Dövlətinin keçmiş Əmiri Şeyx Həməd bin Xəlifə Əl-Taninin və 2016-ci ildə Qətər Dövlətinin Əmiri Şeyx Təmim bin Həməd Əl-Taninin Azərbaycana rəsmi səfərləri zamanı əldə edilmiş razılaşmalar iki ölkə arasındakı mövcud əlaqələrin möhkəmlənməsinə şərait yaratmışdır.

Nazir Kəmaləddin Heydərov qeyd etmişdir ki, ölkələrimiz arasında zəruri müqavilə-hüquq bazasının yaradılması, o cümlədən 2016-cı ildə hər iki tərəfdən dövlət başçısının müvafiq qərarı ilə fəaliyyətə başlamış Azərbaycan Respublikası Hökuməti ilə Qətər Dövləti Hökuməti arasında Birgə İqtisadi, Ticarət və Texniki Komissiya uğurlu əməkdaşlıq üçün mühüm platforma yaratmışdır.

Azərbaycan Respublikası və Qətər Dövlətinin fövqəladə halların idarəedilməsi və mülki müdafiə sahəsində də əməkdaşlıq etdiyini bildirən nazir 2014-cü ildə imzalanmış “Azərbaycan Respublikası Hökuməti və Qətər Dövləti Hökuməti arasında fövqəladə halların idarə edilməsi sahəsində əməkdaşlıq haqqında Saziş”in iki ölkənin müvafiq qurumları arasında əlaqələrin daha da möhkəmləndirilməsi üçün hüquqi zəmin yaratdığını vurğulamışdır.

Digər məlumatlar

FHN-in Aran Regional Mərkəzi tərəfindən nümunəvi obyekt mülki müdafiə məşqi keçirilib (video, foto)

Fövqəladə Hallar Nazirliyinin Aran Regional Mərkəzi tərəfindən Kürdəmir rayonunda yerləşən “Şamaxı Dairy Farm” MMC-də “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda nümunəvi obyekt mülki müdafiə məşqi keçirilib. ...

Ardını oxu

FHN-in Şimal-qərb Regional Mərkəzi nümunəvi obyekt mülki müdafiə məşqi keçirib

Fövqəladə Hallar Nazirliyinin Şimal-qərb Regional Mərkəzi tərəfindən Balakən Rayon Mərkəzi Xəstəxanasında “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda nümunəvi obyekt mülki müdafiə məşqi keçirilib. ...

Ardını oxu

FHN tərəfindən Azərbaycan Texniki Universitetində elmi konfrans keçirilib

Fövqəladə Hallar Nazirliyinin Regional mərkəzlərlə işin təşkili, layihələrin idarə edilməsi və təhsil məsələləri üzrə Baş idarəsi, Bakı Regional Mərkəzi və Azərbaycan Tələbə Gənclər Təşkilatları İttifaqının (ATGTİ) birgə təşkilatçılğı ilə Azərbaycan Texniki Universitetində (ATU) “COP29 tələbləri: iqlim dəyişikliyi və təbii fəlakətlərə qarşı müqavimət” mövzusunda elmi konfrans keçirilib. ...

Ardını oxu