FHN və Fransa səfirliyinin keçirdiyi birgə seminar başa çatmışdır
Azərbaycan Respublikası Fövqəladə Hallar Nazirliyinin və Fransa Respublikasının Azərbaycan Respublikasındakı Səfirliyinin birgə təşkilatçılığı ilə 30 sentyabr 2016-cı il tarixində Azərbaycan - Fransız İnstitutunda “Meşə yanğınlarının idarə olunması” mövzusunda keçirilmiş seminarın iştirakçılarına sertifikatların təqdim olunması mərasimi keçirilmişdir.
Tədbirdə çıxış edən Fransa Respublikasının Azərbaycan Respublikasındakı səfiri xanım Orelia Buşez bildirmişdir ki, diplomatik fəaliyyəti dövründə Azərbaycanın Respublikası Fövqəladə Hallar Nazirliyi ilə Fransanın uyğun strukturları arasında əməkdaşlığın daha da möhkəmləndirilməsi istiqamətində səylərini əsirgəməmişdir. O, bu cür seminarların davamlı təşkil olunmasının vacibliyini vurğulamışdır.
Tədbirdə iştirak edən fövqəladə hallar nazirinin müavini general-leytenant Etibar Mirzəyev Azərbaycan Respublikası Fövqəladə Hallar Nazirliyi ilə Fransa Respublikasının aidiyyəti qurumları arasında əlaqələrin inkişafından razılığını bildirmiş və hər iki tərəfin bu istiqamətdəki fəaliyyətini yüksək qiymətləndirmişdir.
Daha sonra seminar iştirakçılarına sertifikatlar təqdim olunmuşdur.
Qeyd edək ki, seminar sentyabrın 27-də başlamış və dörd gün davam etmişdir.
Digər məlumatlar
FHN yanında İctimai şuranın ilk iclası keçirilib (video, foto)
17 may 2021-ci il tarixində fövqəladə hallar nazirinin müavini tibb xidməti general-leytenantı Faiq Tağı-zadə Azərbaycan Respublikasının Fövqəladə Hallar Nazirliyinin yanında İctimai şuranın üzvləri ilə görüşüb. ...
Ardını oxuFHN Mətbuat xidmətinin məlumatı
Azərbaycan Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir....
Ardını oxuFHN Akademiyasının rəisi beynəlxalq forumda iştirak edib
14 may 2021-ci il tarixində Ukrayna Milli Mülki Müdafiə Universitetinin təşkilatçılığı, Azərbaycan, Latviya, Polşa və Gürcüstan nümayəndələrinin iştirakı ilə onlayn rejimdə "Dövlət təhlükəsizliyini təmin etmək üçün dövlət idarəetməsinin effektiv mexanizmlərinin formalaşdırılması" adlı beynəlxalq forum keçirilib....
Ardını oxu