Geri

FHN Akademiyasında Gənclər Günü münasibətilə tədbir keçirilmişdir

Fövqəladə Hallar Nazirliyinin (FHN) Akademiyasında 2 fevral 2015-ci il tarixində Gənclər Günü münasibətilə tədbir keçirilmişdir.  

FHN işçilərinin Həmkarlar İttifaqının təşkilatçılığı ilə keçirilən tədbirdə iştirak edən fövqəladə hallar nazirinin müavini tibb xidməti general-leytenantı Faiq Tağı-zadə və general-leytenant Etibar Mirzəyev, Azərbaycan Respublikası Prezidenti Administrasiyasının, Gənclər və İdman Nazirliyinin, Azərbaycan Həmkarlar İttifaqları Konfederasiyasının və FHN əməkdaşları, əvvəlcə, xalqımızın ümummilli lideri Heydər Əliyevin abidəsi önünə gül dəstələri qoymuş, onun əziz xatirəsini ehtiramla yad etmişlər.

FHN işçilərinin Həmkarlar İttifaqının sədri Mehman İsmayılov tədbiri açıq elan edərək gəncləri bayram münasibətilə təbrik etmişdir.

Fövqəladə hallar nazirinin müavini general-leytenant Etibar Mirzəyev nazirliyin rəhbərliyinin gənclərə təbrikini çatdırmış, ölkəmizdə gənc nəslə göstərilən yüksək dövlət qayğısından bəhs etmişdir. O, vurğulamışdır ki, gənc nəsil torpaqlarımızın bütövlüyü və müstəqillik uğrunda canlarını fəda etmiş şəhidlərimizin qəhrəmanlığından nümunə götürməli, Vətənimizin müstəqilliyini qorumaq və gələcək nəsillərə çatdırmaq kimi müqəddəs amala xidmət etməlidir.   

Azərbaycan Respublikası Prezidenti Administrasiyasının, Gənclər və İdman Nazirliyinin, Azərbaycan Həmkarlar İttifaqları Konfederasiyasının nümayəndələri də gənclərə bayram təbriklərini çatdırmış, tədbirin təşkil olunmasını yüksək qiymətləndirmişlər. Çıxışlarda vurğulanmışdır ki, ulu öndər Heydər Əliyevin müəyyənləşdirdiyi siyasətdə gənclərə qayğı mühüm yer tutur. Məhz onun təşəbbüsü ilə Azərbaycanda Gənclər Günü təsis olunmuşdur. Bu gün Azərbaycan gənclərinin qayğısız böyüməsi, təhsili və əmək fəaliyyəti üçün Azərbaycan dövləti tərəfindən hər cür şərait yaradılmışdır. Əsası ulu öndərimiz tərəfindən qoyulan  mütərəqqi siyasət möhtərəm Prezident İlham Əliyev tərəfindən uğurla davam etdirilir.

Çıxışlardan sonra Fövqəladə Hallar Nazirliyinin struktur bölmələrində çalışan, vəzifə borcunu layiqincə yerinə yetirməkdə xüsusi fərqlənmiş gənc əməkdaşlar fəxri fərman və qiymətli hədiyyələrlə mükafatlandırılmışdır.

Tədbir incəsənət xadimlərinin çıxışları ilə sona çatmışdır.

 

 

Digər məlumatlar

FHN Mətbuat xidmətinin məlumatı (video)

Azərbaycan Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir....

Ardını oxu

İşğaldan azad olunmuş ərazilərdə müharibənin təhlükəli qalıqları ilə bağlı Fövqəladə Hallar Nazirliyinin əhaliyə müraciəti

44 gün davam etmiş Vətən müharibəsi nəticəsində Müzəffər Ali Baş Komandan cənab İlham Əliyevin müdrik rəhbərliyi altında rəşadətli Azərbaycan Ordusu 30 ilə yaxın müddətdə işğal altında olmuş torpaqlarımızı azad etdikdən dərhal sonra mina və partlamamış hərbi sursatlarla yüksək dərəcədə çirklənmiş ərazilərin təmizlənməsi əməliyyatlarına başlanılıb....

Ardını oxu

FHN-in Dövlət Yanğın Nəzarəti Xidməti səhiyyə müəssisəsində növbəti maarifləndirmə tədbiri keçirib

Fövqəladə Hallar Nazirliyinin Dövlət Yanğın Nəzarəti Xidməti Bakı şəhəri, Xətai rayonunda yerləşən Bakı Reabilitasiya Mərkəzində yanğına qarşı maarifləndirmə tədbiri keçirib....

Ardını oxu