Azərbaycan Respublikasının fövqəladə hallar naziri, general-polkovnik Kəmaləddin Heydərov UNİCEF-in Azərbaycan nümayəndəliyinin rəhbəri Mark Herevard ilə görüşmüşdür.

Nazir Kəmaləddin Heydərov UNİCEF-in Azərbaycan nümayəndəliyinin rəhbəri kimi ölkəmizdə missiyası başa çatan qonağa gələcək fəaliyyətində uğurlar arzulamış, bu təşkilatla Fövqəladə Hallar Nazirliyi arasında həyata keçirilən birgə layihələrdən bəhs etmişdir. İki gün əvvəl “Təhsil  sahəsində  tərəfdaşlar”  adlı  layihə çərçivəsində Fövqəladə  Hallar Nazirliyi, Təhsil  Nazirliyi və UNİCEF arasında  Fəaliyyət  Planının imzalanması da göstərmişdir ki, bu əməkdaşlığın geniş perspektivləri mövcuddur.

Mark Herevard UNİCEF-in Azərbaycan nümayəndəliyi ilə Azərbaycan Respublikası Fövqəladə Hallar Nazirliyi arasında əməkdaşlığın yüksək səviyyəsindən məmnunluğunu ifadə etmiş, ölkəmizdən xoş təəssüratla ayrıldığını bildirmişdir.