Azərbaycanın fövqəladə hallar naziri zəlzələ bölgəsində yeni tikilmiş obyektlərin açılışında iştirak edib
2012-ci ilin may ayında ölkənin şimal-qərb bölgəsində baş vermiş zəlzələnin nəticələrinin aradan qaldırılması istiqamətində Fövqəladə Hallar Nazirliyi tərəfindən kompleks tədbirlər davam etdirilir.
Yanvarın 7-də Azərbaycanın fövqəladə hallar naziri, general-polkovnik Kəmaləddin Heydərov zəlzələ bölgəsinə səfər edib, işlərin gedişi ilə maraqlanıb, bir sıra məktəb və yaşayış evlərinin istifadəyə verilməsi mərasimlərində iştirak edib.
Əvvəlcə zəlzələdən zərər çəkən Balakən rayonunun Katex kəndində olan nazir Kəmaləddin Heydərov yenidən inşa edilən 300 yerlik Qarahacılı kənd tam orta məktəbinin açılışında iştirak edib, yeni inşa edilmiş 16 evin açarlarını kənd sakinlərinə təqdim edib. Sonra Zaqatalanın Danaçı kəndində 500 şagird yerlik 2 nömrəli tam orta məktəbin açılışına qatılan nazir, həmçinin, yeni tikilən 50 mənzilin açarlarını kənd sakinlərinə təqdim edib. Daha sonra K. Heydərovun iştirakı ilə Qax rayonunun Qarağan kəndində 220, Dəymədağlı kəndində isə 120 yerlik yeni məktəb binalarının açılışı olub. Fövqəladə hallar naziri Şəki şəhərində 14 və 12 saylı tam orta məktəblərin açılışlarında da iştirak edib.
Digər məlumatlar
FHN Mətbuat xidmətinin məlumatı (video, foto)
Əvvəlcədən xəbərdarlıq edildiyi kimi, ölkə ərazisində son günlər hava şəraiti kəskin pisləşib, bir sıra ərazilərdə güclü külək müşahidə olunub. Güclü küləyin təsirindən bir sıra fəsadlar meydana çıxıb. Bununla bağlı Fövqəladə Hallar Nazirliyinin “112” qaynar telefon xəttinə daxil olmuş məlumatlar əsasında Nazirliyin aidiyyəti qüvvələri tərəfindən zəruri və......
Ardını oxuFHN Sənayedə İşlərin Təhlükəsiz Görülməsi və Dağ-mədən Nəzarəti Dövlət Agentliyi qayda pozuntusunun qarşısını alıb (video, foto)
Fövqəladə Hallar Nazirliyi Sənayedə İşlərin Təhlükəsiz Görülməsi və Dağ-mədən Nəzarəti Dövlət Agentliyi sənayedə və dağ-mədən işlərində təhlükəsizliyin təmin edilməsi istiqamətində fəaliyyətini davam etdirir....
Ardını oxuFHN Mətbuat xidmətinin məlumatı (video)
Azərbaycan Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir....
Ardını oxu