6-8 sentyabr 2012-ci il tarixlərində Litva Respublikasının daxili işlər naziri Arturas Melianasın başçılıq etdiyi nümayəndə heyəti Azərbaycanda səfərdə olmuşdur.

Səfər çərçivəsində Azərbaycan Respublikasının fövqəladə hallar naziri general-polkovnik Kəmaləddin Heydərov və Litva Respublikasının daxili işlər naziri Arturas Melianasın başçılıq etdiyi nümayəndə heyəti arasında görüş keçirilmişdir.

Görüş zamanı “Azərbaycan Respublikası Höküməti və Litva Respublikası Höküməti arasında fövqəladə halların qarşısının alınması və aradan qaldırılması sahəsində əməkdaşlıq və qarşılıqlı yardım haqqında Saziş” imzalanmışdır.

Eyni zamanda, Litva Respublikasının daxili işlər naziri Arturas Melianas Fövqəladə Hallar Nazirliyinin Dövlət Yanğından Mühafizə Xidməti, Mülki müdafiə qoşunlarının komandanlığı, Böhran Vəziyyətlərində İdarəetmə Mərkəzi, Xüsusi Riskli Xilasetmə Xidməti və Nazirliyin Akademiyasının fəaliyyəti ilə tanış olmuşdur.