7 may 2012-ci il tarixində Fövqəladə Hallar Nazirliyinin Dövlət Yanğından Mühafizə Xidmətinin Neftçala və Saatlı rayon Dövlət Yanğından Mühafizə hissələrinin, Sabirabad rayon Dövlət Yanğından Mühafizə Hissəsinin 114 saylı bölməsinin inzibati binalarının və yanğın depolarının açılışı olmuşdur.

İnşa edilmiş inzibati binalarda lazımi şərait yaradılmış, otaqlar yeni avadanlıq və zəruri mebellərlə təmin edilmiş, hissələrin texnika parkı müasirləşdirilərək ən müasir standartlara cavab verən yanğınsöndürmə texnikaları şəxsi heyətin istifadəsinə verilmiş, eyni zamanda, yanğınsöndürən avtomobillərə qulluq üçün hər cür şərait yaradılmışdır.

Açılış mərasimlərində Fövqəladə Hallar Nazirliyinin, yerli rayon icra hakimiyyətinin nümayəndələri iştirak etmişlər.