Geri

Niderland Krallığının infrastruktur və ətraf mühit naziri xanım Melanie Schultz van Haegen-Maas Geesteranusun rəhbərlik etdiyi nümayəndə heyəti FHN-də olmuşdur

Ölkəmizdə rəsmi səfərdə olan Niderland Krallığının infrastruktur və ətraf mühit naziri xanım Melanie Schultz van Haegen-Maas Geesteranusun rəhbərlik etdiyi nümayəndə heyətini Azərbaycan Respublikasının fövqəladə hallar naziri general-polkovnik Kəmaləddin Heydərov qəbul etmişdir. Görüş zamanı Kəmaləddin Heydərov son illər Azərbaycanda həyata keçirilən layihələrdən, əldə olunan nailiyyətlərdən danışmış, nazirliyin strukturu və fəaliyyəti haqqında qonaqlara ətraflı məlumat vermişdir.

Qonaq da öz növbəsində, Azərbaycanla Niderland Krallığı arasında dostluq və əməkdaşlıq münasibətlərinin inkişaf etdiyini qeyd etmiş, həmçinin, iki ölkənin müvafiq qurumları arasındakı əlaqələrin inkişafı üçün mövcud potensialdan səmərəli istifadənin vacibliyini vurğulamışdır.

Görüş zamanı, həmçinin, Azərbaycan Respublikası və Niderland Krallığı arasında su resurslarının idarə olunması, daşqınların qarşısının alınması sahəsində müzakirələr aparılmışdır.

Görüşdə Niderland Krallığının “Royal Haskoning”, “Damen Shipyards”, “Van Oord”, “Deltares”, “Witteveen en Bos” və “IHC Merwede” kimi şirkətlərin nümayəndələri də iştirak etmişlər.

Səfər proqramına uyğun olaraq, Azərbaycan Respublikası Fövqəladə Hallar Nazirliyinin strukturuna daxil olan bir sıra qurumların fəaliyyəti ilə də tanışlıq planlaşdırılır.

Digər məlumatlar

Fövqəladə Hallar Nazirliyi tərəfindən silsilə maarifləndirmə tədbirləri keçirilib

Fövqəladə Hallar Nazirliyinin aidiyyəti qurumları tərəfindən fövqəladə hallarla bağlı davranış qaydaları barədə əhalinin maarifləndirilməsi məqsədilə silsilə tədbirlər keçirilib. ...

Ardını oxu

FHN Mətbuat xidmətinin məlumatı

Azərbaycan Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir. ...

Ardını oxu

FHN Dövlət Yanğından Mühafizə Xidməti və “Bakı Beynəlxalq Dəniz Ticarət Limanı” QSC-nin birgə məlumatı (video, foto)

Fövqəladə Hallar Nazirliyinin Dövlət Yanğından Mühafizə Xidmətinin Qaradağ Rayon Yanğından Mühafizə Hissəsi və Qaradağ rayonunun Ələt qəsəbəsində yerləşən Bakı Beynəlxalq Dəniz Ticarət Limanının xidməti heyəti yanğın zamanı köçürmə planı üzrə hərəkətlərin təlim məşqini uğurla icra edib. ...

Ardını oxu