Geri

Fövqəladə hallar naziri Kəmaləddin Heydərovun iştirakı ilə Sabirabad Rayon İcra Hakimiyyətində müşavirə keçirilmişdir

Martın 30-da fövqəladə hallar naziri general-polkovnik Kəmaləddin Heydərovun iştirakı ilə Sabirabad Rayon İcra Hakimiyyətində müşavirə keçirilmişdir. Kür və Araz çaylarının 2010-cu ildə daşması nəticəsində baş vermiş fəlakətin nəticələrinin aradan qaldırılmasına həsr olunmuş müşavirədə daşqından zərər çəkmiş rayonların icra hakimiyyətlərinin başçıları, əlaqədar orqanların rəhbərləri iştirak etmişlər.

Daha sonra Sabirabad rayonunun Ulacalı kəndində daşqından zərər çəkmiş əhali üçün salınmış qəsəbədə sakinlərlə görüşən Kəmaləddin Heydərov müşavirədə müzakirə olunmuş məsələlərlə bağlı məlumat vermiş, təbii fəlakətin fəsadlarının, Kür daşqınları zamanı əhaliyə dəyən zərərin aradan qaldırılması istiqamətində görülən genişmiqyaslı tədbirlərdən danışmışdır. Ötən müddət ərzində yaradılan hökumət komissiyasının fəaliyyət göstərdiyini qeyd edən nazir Azərbaycan Respublikasının Prezidenti cənab İlham Əliyevin müvafiq tapşırıq və sərəncamlarına əsasən daşqından ziyan çəkmiş və bərpası mümkün olmayan fərdi yaşayış evlərinin əvəzinə həmin evlərin sakinlərinə yeni evlərin tikildiyini, habelə zəruri və sosial infrastruktur obyektləri – məktəb, uşaq baxçası, tibb və poçt məntəqələri, elektrik, su və təbii qaz təchizatı, avtomobil yolları və s. olan müasir standartlara uyğun yeni qəsəbələrin salındığını, əmlaklarına və əkin sahələrinə dəymiş ziyana görə əhaliyə kompensasiyaların ödənildiyini bildirmiş, bu işin ardıcıl olaraq davam etdirildiyini diqqətə çatdırmışdır.

2010-cu ildə Kür və Araz çaylarının daşması  nəticəsində baş vermiş təbii fəlakətin fəsadlarının aradan qaldırılmasına dair əlavə tədbirlər haqqında Azərbaycan Respublikası Prezidentinin yeni sərəncam imzaladığını sakinlərin diqqətinə çatdıran nazir baş vermiş təbii fəlakətin fəsadlarının tamamilə aradan qaldırılması üçün zəruri tədbirlərin sürətləndiriləcəyini vurğulamışdır. Sakinlər onlara göstərilən diqqət və qayğıya görə Azərbaycan Prezidenti İlham Əliyevə minnətdarlıqlarını bildirmişlər.

Digər məlumatlar

Fövqəladə Hallar Nazirliyi tərəfindən silsilə maarifləndirmə tədbirləri keçirilib

Fövqəladə Hallar Nazirliyinin aidiyyəti qurumları tərəfindən fövqəladə hallarla bağlı davranış qaydaları barədə əhalinin maarifləndirilməsi məqsədilə silsilə tədbirlər keçirilib. ...

Ardını oxu

FHN Mətbuat xidmətinin məlumatı

Azərbaycan Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir. ...

Ardını oxu

FHN Dövlət Yanğından Mühafizə Xidməti və “Bakı Beynəlxalq Dəniz Ticarət Limanı” QSC-nin birgə məlumatı (video, foto)

Fövqəladə Hallar Nazirliyinin Dövlət Yanğından Mühafizə Xidmətinin Qaradağ Rayon Yanğından Mühafizə Hissəsi və Qaradağ rayonunun Ələt qəsəbəsində yerləşən Bakı Beynəlxalq Dəniz Ticarət Limanının xidməti heyəti yanğın zamanı köçürmə planı üzrə hərəkətlərin təlim məşqini uğurla icra edib. ...

Ardını oxu