Geri

FHN “İzotop” xüsusi kombinatı fəaliyyətini təkmilləşdirir

“İzotop” xüsusi kombinatı 2007-ci ildən başlayaraq Atom Enerjisi üzrə Beynəlxalq Agentliklə (AEBA) birlikdə AZB/3/002 “İstifadədən çıxarılmış radioaktiv mənbələrin uzunmüddətli saxlanması üçün hazırlanması” adlı texniki əməkdaşlıq layihəsini həyata keçirir. Layihə çərçivəsində “İzotop” xüsusi kombinatında yüksək aktivli radioaktiv mənbələrlə müxtəlif əməliyyatların aparılması imkanını yaratmaq üçün “texnoloji kamera”nın qurulması nəzərdə tutulmuşdur.

Layihə ilə əlaqədar “texnoloji kamera”nın bir sıra tərkib hissələri – radioaktiv mənbələrlə əməliyyat aparıldıqda şüalanmanın doza gücünə nəzarət etmək üçün nəzərdə tutulan geniş diapazonlu qamma detektor və monitor dəsti, radioaktiv mənbələrlə qoruyucu divar arxasında əməliyyat aparmaq üçün nəzərdə tutulan manipulyasiya maşaları dəsti və radioaktiv mənbələrlə əməliyyatların aparılması zamanı operatoru şüalanmadan qorumaq üçün nəzərdə tutulan qurğuşunlu şüşələr AEBA tərəfindən alınaraq, “İzotop” xüsusi kombinatına göndərilmişdir.

Həmçinin, texniki dizayn layihəsinə əsasən, “texnoloji kamera”nın qeyri-standart hissələrinin istehsalı, hazırlanması və kameranın “İzotop” xüsusi kombinatında yığılması üçün beynəlxalq tender elan edilmişdir.

Digər məlumatlar

Prezident İlham Əliyev yeni alınmış xüsusi təyinatlı texnikalar və təcili tibbi yardım avtomobilləri ilə tanış olub (YENİLƏNİB)

Dekabrın 9-da Azərbaycan Respublikasının Prezidenti İlham Əliyev Fövqəladə Hallar Nazirliyi (FHN) tərəfindən alınmış və işğaldan azad olunmuş ərazilərdə istifadə ediləcək xüsusi təyinatlı texnikalar və İcbari Tibbi Sığorta üzrə Dövlət Agentliyi tərəfindən alınmış müasir təcili tibbi yardım avtomobilləri ilə tanış olub....

Ardını oxu

FHN Mətbuat xidmətinin məlumatı

Azərbaycan Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir. ...

Ardını oxu

FHN Baş əməliyyat idarəsinin təşkilatçılığı ilə komanda-qərargah təlimi keçirilib

6-8 dekabr 2022-ci il tarixlərində Fövqəlаdə Hallar Nazirliyinin Baş əməliyyat idarəsinin təşkilatçılığı ilə “Fövqəladə halların nəticələrinin aradan qaldırılması zamanı Mülki müdafiə qoşunlarının qüvvələrinin idarə edilməsinin təşkili” mövzusunda komanda-qərargah təlimi keçirilib....

Ardını oxu