Fövqəladə hallar naziri general-polkovnik Kəmaləddin Heydərov Azərbaycanda səfərdə olan Beynəlxalq Mülki Müdafiə Təşkilatının (BMMT) Baş katibinin müavini Vladimir Kuvşinovun rəhbərlik etdiyi nümayəndə heyətini qəbul etmişdir.

Görüş zamanı nazir Kəmaləddin Heydərov qonağa Fövqəladə Hallar Nazirliyinin strukturuna daxil olan qurumlar və onların fəaliyyəti haqqında ətraflı məlumat vermişdir. Həmçinin, FHN-in nüfuzlu beynəlxalq və regional təşkilatlarla, xarici dövlətlərin müvafiq qurumları ilə əlaqələrinin inkişaf etdirilməsi istiqamətində aparılan işləri də qonağın diqqətinə çatdırmışdır.

Qonaq, öz növbəsində, nazirliyin fəaliyyətini yüksək qiymətləndirmiş və BMMT tərəfindən keçirilən tədbirlərdə nazirliyin əməkdaşlarının iştirakını alqışlamış, təcrübə mübadiləsinin aparılmasının vacibliyini vurğulamışdır. Görüşdə, həmçinin, gələcəkdə birgə əməkdaşlıq planının hazırlanması perspektivləri müzakirə olunmuşdur.