Geri

Dövlət Yanğın Nəzarəti Xidməti bağ massivlərində yanğın təhlükəsizliyi tədbirlərini davam etdirir

Fövqəladə Hallar Nazirliyinin Dövlət Yanğın Nəzarəti Xidmətinin əməkdaşları Bakı və Sumqayıt şəhərlərinin, Abşeron rayonunun bağ massivlərində yanğın təhlükəsizliyi tədbirlərini davam etdirir, yay mövsümü ilə əlaqədar əhalinin böyük bir hissəsinin bağ evlərində istirahət etdiyini nəzərə alaraq əhali arasında yanğına qarşı təbliğat xarakterli söhbətlər aparılır.

Dövlət Yanğın Nəzarəti Xidmətinin bağ massivlərində apardığı növbəti yanğın təhlükəsizliyi tədbirində yaşayış evlərinin, mülkiyyət formasından asılı olmayaraq obyektlərin ərazilərinin saxlanılmasında yanğın təhlükəsizliyi qaydalarının tələblərinə əməl olunmasına baxış keçirilmiş, həyətyanı sahələrin yanar materiallardan daim təmizlənməsinə, yana bilən tullantıların xüsusi meydançalarda quraşdırılmış konteynerlərə yığılmasına və vaxtında daşınıb aparılmasına diqqət yetirilmiş, bu istiqamətdə maarifləndirici söhbətlər aparılmışdır. Bağ massivlərində keçirilən növbəti yanğın təhlükəsizliyi tədbirində xüsusi avtonəqliyyat vasitələrinin, xüsusən də yanğın avtomobillərinin evlərə sərbəst yaxınlaşmasına sakinlər tərəfindən yaradılmış maneələr müəyyən edilmişdir.  

Dövlət Yanğın Nəzarəti Xidmətinin bağ massivlərində apardığı növbəti tədbirdə müvafiq icazələr olmadan dirəklərin, şlaqbaumların quraşdırılmasının, keçidlərin bağlanmasının yanğın hadisələri zamanı yanğın avtomobillərinin hərəkətinə, çevik manevr etməsinə maneçilik törətməsini nəzərə alaraq həmin maneələrin ləğv edilməsi üçün əməli tədbirlər görülmüşdür. Bu istiqamətdə həyata keçirilmiş tədbirlər zamanı sakinlər arasında izahat işi aparılaraq bildirilmişdir ki, müvafiq icazələr olmadan dirəklərin, şlaqbaumların quraşdırılması, keçidlərin bağlanması yanğın avtomobillərinin hadisə yerinə vaxtında çatmasına ciddi maneçilik yaradır, vaxt itkisinə yol verildiyindən yanğının əhatə dairəsi genişlənərək onun vurduğu ziyanın miqdarı çoxalır. Sakinlərə həmçinin bildirilmişdir ki, yollarda dirəklərin, şlaqbaumların quraşdırılması, keçidlərin bağlanması tək yanğın avtomobillərinin deyil, digər xüsusi təyinatlı maşınların, o cümlədən təcili yardım avtomobillərinin çevik hərəkətinə məhdudiyyətlər yaradır. Müvafiq izahat işlərindən sonra sakinlər Fövqəladə Hallar Nazirliyinin həyata keçirdiyi yanğın təhlükəsizliyi tədbirini alqışlamışlar.

Fövqəladə Hallar Nazirliyinin Dövlət Yanğın Nəzarəti Xidməti bu istiqamətdəki fəaliyyətini davam etdirir.

Digər məlumatlar

FHN-in Aran Regional Mərkəzi tərəfindən nümunəvi obyekt mülki müdafiə məşqi keçirilib (video, foto)

Fövqəladə Hallar Nazirliyinin Aran Regional Mərkəzi tərəfindən Kürdəmir rayonunda yerləşən “Şamaxı Dairy Farm” MMC-də “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda nümunəvi obyekt mülki müdafiə məşqi keçirilib. ...

Ardını oxu

FHN-in Şimal-qərb Regional Mərkəzi nümunəvi obyekt mülki müdafiə məşqi keçirib

Fövqəladə Hallar Nazirliyinin Şimal-qərb Regional Mərkəzi tərəfindən Balakən Rayon Mərkəzi Xəstəxanasında “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda nümunəvi obyekt mülki müdafiə məşqi keçirilib. ...

Ardını oxu

FHN tərəfindən Azərbaycan Texniki Universitetində elmi konfrans keçirilib

Fövqəladə Hallar Nazirliyinin Regional mərkəzlərlə işin təşkili, layihələrin idarə edilməsi və təhsil məsələləri üzrə Baş idarəsi, Bakı Regional Mərkəzi və Azərbaycan Tələbə Gənclər Təşkilatları İttifaqının (ATGTİ) birgə təşkilatçılğı ilə Azərbaycan Texniki Universitetində (ATU) “COP29 tələbləri: iqlim dəyişikliyi və təbii fəlakətlərə qarşı müqavimət” mövzusunda elmi konfrans keçirilib. ...

Ardını oxu