Yanvarın 21-də FHN Akademiyasında Ukrayna FHN Mülki Müdafiə Universiteti və Belarus Respublikası FHN Mühəndis-Komanda İnstitutunda təhsilə başlayan 59 nəfər azərbaycanlı müdavimin andiçmə mərasimi keçirilmişdir.

Andiçmə mərasimi açıq elan edildikdən sonra Azərbaycanın dövlət himni səslənmiş, dövlət bayrağımız təntənəli surətdə sıraya gətirilmişdir. Sonra andiçmə mərasiminə başlanılmışdır. Tribunanın önündə düzülən müdavimlər Azərbaycan Respublikasının bayrağı önündə  respublikamıza, xalqımıza sədaqətlə xidmət edəcəklərinə, Vətəni layiqincə qoruyacaqlarına and içmişlər.

Akademiyanın rəisi general-mayor Pənah Süleymanov andiçmə mərasiminə yekun vuraraq, gənclərə təhsillərində uğurlar arzulamış və onların qarşısında duran vəzifələrdən danışmışdır.