Geri

Fövqəladə hallar naziri general-polkovnik Kəmaləddin Heydərov və Yaponiyanın Azərbaycan Respublikasındakı fövqəladə və səlahiyyətli səfiri Masamitsu Oki arasında görüş olub

Görüşdə Azərbaycan və Yaponiyanın müvafiq qurumları arasındakı yaranan dostluq əlaqələrinin yüksələn xətlə inkişafından danışılıb, əməkdaşlığın daha səmərəli formalarının müəyyən edilməsi, əlaqələrin inkişaf etdirilməsi istiqamətində həyata keçiriləcək məsələlər ətrafında fikir mübadiləsi aparılıb.

Söhbət zamanı səfir Masamitsu Oki ölkəsinin Azərbaycanla əməkdaşlığa xüsusi önəm verdiyini söyləyib, Azərbaycan Respublikası Fövqəladə Hallar Nazirliyinin fəaliyyət istiqamətləri və həyata keçirilən işlərlə maraqlanıb.

Nazir Kəmaləddin Heydərov rəhbərlik etdiyi nazirliyin fəaliyyəti barədə səfirə məlumat verib, ölkə ərazisində təbii və texnogen xarakterli fövqəladə halların qarşısının alınması və nəticələrinin çevik şəkildə aradan qaldırılması üçün ciddi addımların atıldığını söyləyib. O, Azərbaycan Prezidenti İlham Əliyevin məlum fərman və sərəncamları ilə əhalinin mülki müdafiəsi, yanğın təhlükəsizliyi, xilasetmə və qəza xilasetmə işlərinin təşkili, dövlət material ehtiyatlarının idarə olunması, ölkə ərazisində radioaktiv tullantıların zərərsizləşdirilməsi, sənayedə və dağ-mədən işlərində texniki təhlükəsizliyə, habelə tikintidə təhlükəsizliyə nəzarət kimi mühüm vəzifələri yerinə yetirən dövlət qurumlarının Nazirliyin tabeliyinə verildiyini də qonağın diqqətinə çatdırıb.

Görüşdə həmçinin Yaponiyanın Beynəlxalq Əməkdaşlıq Agentliyinin Təbii Fəlakətlərin Təhlükəsinin Azaldılması üzrə Asiya Mərkəzinə Azərbaycan Respublikasının üzv olması barədə müzakirələr aparılıb, Yaponiyanın Beynəlxalq Əməkdaşlıq Agentliyi tərəfindən keçirilən tədbirlərdə Azərbaycanın Fövqəladə Hallar Nazirliyinin əməkdaşlarının fəal iştirak etdiyi qeyd edilib.

Görüşdə müzakirə olunan əsas məsələlərdən biri də əhalinin və ərazilərin fövqəladə hallardan qorunması, baş verə biləcək fövqəladə halların qarşısının alınması və nəticələrinin aradan qaldırılması, elmi sahədə əməkdaşlığın möhkəmləndirilməsi məqsədilə Yaponiyanın müvafiq elmi-tədqiqat institutları ilə əlaqələrin yaradılması olub.

Digər məlumatlar

FHN Mətbuat xidmətinin məlumatı (video, foto)

Əvvəlcədən xəbərdarlıq edildiyi kimi, ölkə ərazisində son günlər hava şəraiti kəskin pisləşib, bir sıra ərazilərdə güclü külək müşahidə olunub. Güclü küləyin təsirindən bir sıra fəsadlar meydana çıxıb. Bununla bağlı Fövqəladə Hallar Nazirliyinin “112” qaynar telefon xəttinə daxil olmuş məlumatlar əsasında Nazirliyin aidiyyəti qüvvələri tərəfindən zəruri və......

Ardını oxu

FHN Sənayedə İşlərin Təhlükəsiz Görülməsi və Dağ-mədən Nəzarəti Dövlət Agentliyi qayda pozuntusunun qarşısını alıb (video, foto)

Fövqəladə Hallar Nazirliyi Sənayedə İşlərin Təhlükəsiz Görülməsi və Dağ-mədən Nəzarəti Dövlət Agentliyi sənayedə və dağ-mədən işlərində təhlükəsizliyin təmin edilməsi istiqamətində fəaliyyətini davam etdirir....

Ardını oxu

FHN Mətbuat xidmətinin məlumatı (video)

Azərbaycan Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir....

Ardını oxu