Fövqəladə Hallar Nazirliyinin Dövlət Yanğın Nəzarəti Xidməti ölkədə yanğın təhlükəsizliyinin təmin edilməsi istiqamətində müəssisə və təşkilatlarda silsilə maarifləndirmə tədbirləri keçirib.

Bu çərçivədə, Xidmət tərəfindən Bakı şəhəri, Yasamal rayonunda yerləşən K.Y.Fərəcova adına Elmi-Tədqiqat Pediatriya İnstitutunda, Nizami rayonunda yerləşən Nizami Tibb Mərkəzində və 4 saylı Vərəm Əleyhinə Dispanserdə, Nərimanov rayonunda yerləşən 1 nömrəli Uşaq Reabilitasiya Mərkəzində, Nəsimi rayonunda yerləşən Respublika Dəri-Zöhrəvi Dispanserində, Xətai rayonunda yerləşən “Baku Medical Plaza”da, Sumqayıt şəhəri, İnşaatçılar qəsəbəsində yerləşən Sumqayıt şəhər Psixiatriya Xəstəxanasında yanğına qarşı maarifləndirmə tədbirləri keçirilib.

Tədbirlərdə yanğınların başvermə səbəbləri və qarşısının alınması yolları, yanğın zamanı zəruri davranış qaydaları barədə məlumat verilib və ilkin yanğınsöndürmə vasitələrindən istifadə qaydaları əyani şəkildə nümayiş etdirilib, mövzu ilə bağlı geniş müzakirələr aparılıb, zəruri tövsiyələr verilib, suallar cavablandırılıb.