Fövqəladə Hallar Nazirliyinin Muğan Regional Mərkəzi tərəfindən İmişli rayon “16 nömrəli Xüsusi Təyinatlı Yol İstismarı” MMC-də “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda masaüstü nümunəvi mülki müdafiə məşqi keçirilib.

Tədbirin keçirilməsində əsas məqsəd rəhbər və komandir-rəis heyətinin fövqəladə hadisələrlə bağlı hazırlıq səviyyəsinin yoxlanılması və bu sahədə bilik və bacarıqlarının təkmilləşdirilməsi olub.

Məşqin gedişində İmişli rayon “16 nömrəli Xüsusi Təyinatlı Yol İstismarı” MMC-də Mülki müdafiə qərargahının fövqəladə hallara hazırlıq səviyyəsi qiymətləndirilib, iştirakçıların sualları cavablandırılıb.