Fövqəladə Hallar Nazirliyinin Şimal-qərb Regional Mərkəzi tərəfindən Ağsu rayon “16 nömrəli Yol İstismarı” MMC-də “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin masaüstü nümunəvi mülki müdafiə məşqi keçirilib.

Tədbirin keçirilməsində əsas məqsəd Mülki müdafiə planlarının reallığını yoxlamaq, rəhbər, eləcə də komandir-rəis heyətinin fövqəladə hallar zamanı fəaliyyəti üzrə biliklərinin təkmilləşdirilməsindən ibarət olub.

Məşq zamanı Ağsu rayon “16 nömrəli Yol İstismarı” MMC-nin Mülki müdafiə qərargahının fövqəladə hallara hazırlıq səviyyəsi qiymətləndirilib, iştirakçıların sualları cavablandırılıb.