Geri

FHN-in Fövqəladə halların nəticələrinin aradan qaldırılması işinin təşkili Baş idarəsi növbəti nəzarət tədbiri həyata keçirib

FHN-in Fövqəladə halların nəticələrinin aradan qaldırılması işinin təşkili Baş idarəsinin əməkdaşları tərəfindən Fövqəladə Hallar Nazirliyinin müvafiq əmrinə uyğun olaraq, Kiçikhəcmli Gəmilərə Nəzarət və Sularda Xilasetmə Dövlət Xidmətinin bazasında təşkil edilmiş hazırlıq kursuna nəzarət tədbiri həyata keçirilib. Sözügedən nəzarət tədbirlərinin həyata keçirilməsində məqsəd “Mülki müdafiə, fövqəladə halların qarşısının alınması və nəticələrinin aradan qaldırılması, yanğın təhlükəsizliyi və su hövzələrində insanların təhlükəsizliyinin təmin olunması sahəsində Fövqəladə Hallar Nazirliyinin hazırlığı üzrə Təşkilati-metodiki göstərişlər”in aidiyyəti müddəalarının icrasının təmin edilməsi olub. 

Qeyd edək ki, FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin struktur bölmələrində dalğıc vəzifələrinə təyin edilərək üç ay sınaq müddəti ilə fövqəladə hallar orqanlarında xidmətə qəbul edilmiş şəxslərin hazırlığının təşkili, eləcə də bəzi əməkdaşların peşə hazırlığı səviyyəsinin yüksəldilməsi məqsədilə kurslar keçirilir. Baş idarənin nəzarət tədbiri həyata keçirdiyi kurs isə 15 sentyabr – 20 oktyabr 2022-ci il tarixlərində III qrup 3-cü dərəcəli dalğıc hazırlıq kursu Xidmətin “Şıx” sularda xilasetmə məntəqəsində təşkil olunub.

Nəzarət tədbiri çərçivəsində “Şıx” sularda xilasetmə məntəqəsinin bazasının zəruri tədris vasitələri ilə (sinif otağı, dalğıc avadanlıqları və ləvazimatları, su nəqliyyat vasitəsi) təchizatı, eləcə də təsdiq olunmuş tədris proqramı və plan-konspektlərin tərtibatı, şəxsi heyətin peşə hazırlığının vəziyyəti, nizam-intizamı, geyim formasının düzgün daşınması, mövcud avadanlıqların saz vəziyyətdə saxlanılması, texniki təhlükəsizlik qaydalarına riayət edilməsi, tibbi təminatı və mənəvi-psixoloji vəziyyəti və bu kimi digər sahələr diqqət mərkəzində olub.

Digər məlumatlar

FHN-in Tibb xidməti seminarlar keçirib

Fövqəladə Hallar Nazirliyinin Tibb Xidməti tərəfindən Nazirliyin əməkdaşları üçün Bakı, Lənkəran, Şirvan şəhərlərində, Salyan, Şamaxı, Qəbələ və Şəki rayonlarında seminarlar keçirilib. ...

Ardını oxu

FHN-in Cənub Regional Mərkəzi “dəyirmi masa” keçirib

Fövqəladə Hallar Nazirliyinin Cənub Regional Mərkəzi tərəfindən Lənkəran şəhər bələdiyyəsində “Fövqəladə halların qarşısının alınması və nəticələrinin aradan qaldırılması sahəsində yerli icra qurumları və özünü idarə orqanları ilə qarşılıqlı fəaliyyətin təşkili” mövzusunda “dəyirmi masa” keçirilib. ...

Ardını oxu

FHN-in Şimal-qərb Regional Mərkəzi rəhbər heyətin nümunəvi mülki müdafiə məşqi təşkil edib

Fövqəladə Hallar Nazirliyinin Şimal-qərb Regional Mərkəzi tərəfindən “Meliorasiya və Su Təsərrüfatı” ASC-nin Şəki Suvarma Sistemləri İdarəsində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin nümunəvi mülki müdafiə məşqi keçirilib. ...

Ardını oxu