Geri

FHN Akademiyası kursantlarının Qala Arxeoloji-Etnoqrafik Muzey Kompleksinə ekskursiyası təşkil olunub

FHN Akademiyasının kursantları Qala Arxeoloji-Etnoqrafik Muzey Kompleksində ekskursiyada olublar. Ekskursiya kursantlara milli-mənəvi dəyərlərin aşılanması, onların Azərbaycan tarixi ilə bağlı biliklərinin zənginləşdirilməsi və dünyagörüşlərinin inkişaf etdirilməsi məqsədilə təşkil edilib.

Muzey Kompleksinin əməkdaşları kursantlara qədim tariximizi özündə yaşadan eksponatlar haqqında ətraflı məlumat veriblər. Diqqətə çatdırılıb ki,  Bakı şəhərinin yaxınlığında yaradılmış kompleksin ərazisində eramızdan əvvəl III minillikdən eramızın XX əsrinə qədərki dövrə aid kurqanlar, sərdabələr, evlər, ovdanlar, qədim qəsrin qalıqları, beş məscid, üç hamam və digər abidələr var. Həmin tarixi abidələrin və eksponatların qorunması və daha da zənginləşdirilməsi üçün 2008-ci ildə Heydər Əliyev Fondunun dəstəyi ilə burada açıq səma altında arxeoloji-etnoqrafik muzey kompleksi yaradılıb. Bu, ölkəmizdə açıq səma altında təşkil edilmiş ilk arxeoloji-etnoqrafik muzey kompleksidir.

Kursantlar, həmçinin, kompleksdə fəaliyyət göstərən  Əntiq Əşyalar Muzeyi ilə tanış olublar.

Daha sonra kursantlara kompleksin ərazisində  yaradılan “Tullantıdan Sənətə”  muzeyi haqqında məlumat verilib. Bildirilib ki, hazırda muzeydə 180-ə yaxın müxtəlif sənət nümunəsi var. Nümunələr plastik su qabları, sellofanlar, uşaq arabası, oyuncaqlar, müxtəlif maşın hissələri, siqaret kötükləri, tennis topları və insanların lazımsız hesab etdiyi digər tullantı materiallarından hazırlanıb.

Digər məlumatlar

FHN-in Şimal-qərb Regional Mərkəzi rəhbər heyətin nümunəvi mülki müdafiə məşqi təşkil edib

Fövqəladə Hallar Nazirliyinin Şimal-qərb Regional Mərkəzi tərəfindən “Meliorasiya və Su Təsərrüfatı” ASC-nin Şəki Suvarma Sistemləri İdarəsində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin nümunəvi mülki müdafiə məşqi keçirilib. ...

Ardını oxu

BDU Elmi kitabxanasının əməkdaşları FHN-in Akademiyasında olublar

Bakı Dövlət Universitetinin (BDU) Elmi kitabxanasın direktoru Nigar İsmayılovanın rəhbərlik etdiyi nümayəndə heyəti Fövqəladə Hallar Nazirliyinin Akademiyasında qonaq olub. ...

Ardını oxu

FHN-in Qarabağ Regional Mərkəzi gecə təlimi keçirib

Fövqəladə Hallar Nazirliyinin Qarabağ Regional Mərkəzi “Sutkanın qaranlıq vaxtı baş vermiş fövqəladə hal zonasının işıqlandırılması və zərərçəkmişlərin xilas edilməsi” mövzusunda gecə təlimi keçirib. ...

Ardını oxu