Geri

FHN-in Bakı Regional Mərkəzi “1 mart - Ümumdünya Mülki Müdafiə Günü”nə həsr olunmuş tədbir keçirib

Fövqəladə Hallar Nazirliyinin Bakı Regional Mərkəzi 1 mart 2021-ci il tarixində Azərbaycan Respublikasının Qida Təhlükəsizliyi Agentliyinin Qida Təhlükəsizliyi İnstitutunda “1 Mart-Ümumdünya Mülki Müdafiə Günü”nə həsr olunmuş “Milli iqtisadiyyatın qorunmasına yönəlmiş güclü mülki müdafiə” mövzusunda nümunəvi tədbir keçirib.

Tədbirdə FHN-in Bakı Regional Mərkəzinin əməkdaşları ilə yanaşı, Binəqədi Rayon İcra Hakimiyyətinin nümayəndəsi və Qida Təhlükəsizliyi Agentliyinin Qida Təhlükəsizliyi İnstitutunun əməkdaşları iştirak ediblər.

Toplantıda “Azərbaycan Respublikasının Mülki Müdafiə sistemi və fövqəladə hadisələrdən müdafiə sahəsində əhalinin hazırlanması”, “Milli iqtisadiyyatın qorunmasına yönəlmiş güclü mülki müdafiə”,Beynəlxalq Mülki Müdafiə Təşkilatının yaranma tarixi və fəaliyyət istiqamətləri”, “1 mart-Ümumdünya Mülki Müdafiə Günü və onun qeyd edilməsinin məqsədi” mövzularında çıxışlar edilib, Binəqədi rayonun hərbiləşdirilməmiş mülki müdafiə qüvvələri, eləcə də Mərkəzin Xüsusi xilasetmə xidmətinin imkanları barədə məlumat verilib.

Tədbirdə, həmçinin “Fövqəladə halların təsnifatı”, “Fövqəladə hallar zamanı davranış qaydaları (zəlzələ, torpaq sürüşməsi, məişətdə yanğın, dəm qazı, odsöndürən balonlardan istifadə, “112” qaynar xətti”)” mövzularında maarifləndirici videoçarxlar nümayiş etdirilib.

Qeyd edək ki, FHN-in Bakı Regional Mərkəzi paytaxtın rayonlarında yerləşən müxtəlif dövlət təşkilatlarında və özəl müəssisələrdə də (Bakı Şəhər Prokurorluğu, Xəzər rayonu üzrə 181 saylı tam orta məktəb və 10 saylı şəhər xəstəxanası, Xətai rayonu üzrə “Neftqaz” Tikinti Tresti, Nərimanov rayonu üzrə “Azərenerji Komplektləşdirmə” MMC, Nəsimi rayonu üzrə Azərbaycan Tibb Universitetinin Tədris Cərrahiyə Klinikası, Nizami rayonu üzrə 26 nömrəli Şəhər Poliklinikası, Pirallahı rayonu üzrə 10 saylı Birləşmiş Şəhər Xəstəxanası, Sabunçu rayonu üzrə Kürdəxanı Sağlamlıq Mərkəzi, Suraxanı rayonu üzrə “ATF Şirkətlər Qrupu” MMC, Qaradağ rayonu üzrə Əmirov adına Neft qaz çıxarma İdarəsi, Səbail rayonu üzrə “Security Operation Services” MMC və Yasamal rayonu üzrə Uşaq Nevroloji Xəstəxanası) eyniadlı tədbirlər keçirib.



Digər məlumatlar

FHN-in Cənub Regional Mərkəzi praktiki gecə təlimi keçirib

Fövqəladə Hallar Nazirliyinin Cənub Regional Mərkəzi 24 noyabr 2021-ci il tarixində “Bağlı qapı arxasında köməksiz vəziyyətdə qalmış vətəndaşın xilas edilməsi” mövzusunda praktiki gecə təlimi keçirib. ...

Ardını oxu

FHN-in Dövlət Yanğın Nəzarəti Xidməti səhiyyə müəssisələrində maarifləndirmə tədbirlərini davam etdirir

Fövqəladə Hallar Nazirliyi Dövlət Yanğın Nəzarəti Xidməti Bakı şəhəri, Nərimanov rayonunda yerləşən “New Med” klinikasında yanğına qarşı maarifləndirmə tədbiri keçirib....

Ardını oxu

FHN-in əməkdaşları Avropa İttifaqının PPRD East3 Şərq Proqramı çərçivəsində təşkil olunmuş beynəlxaq vebinarda iştirak edib

Azərbaycan Respublikası Fövqəladə Hallar Naziriyinin əməkdaşları “İsveçin böhranların idarəedilməsi sistemində qurumlararası əlaqələndirmə və ictimai xəbərdarlığın artırılması” mövzusunda keçirilən vebinarda iştirak ediblər.  İsveçin Mülki Fövqəladə Hallar Agentliyinin (MSB)  tərəfindən təşkil edilmiş vebinara Avropa İttifaqının (Aİ) Şərq və Cənub tərəfdaşlığı, o cümlədən Aİ-yə üzv ölkələrin mülki müdafiə və......

Ardını oxu