Geri

FHN-in əməkdaşları Avropa İttifaqının PPRD East3 Şərq Proqramı çərçivəsində təşkil olunmuş beynəlxaq vebinarda iştirak edib

Azərbaycan Respublikası Fövqəladə Hallar Naziriyinin əməkdaşları “İsveçin böhranların idarəedilməsi sistemində qurumlararası əlaqələndirmə və ictimai xəbərdarlığın artırılması” mövzusunda keçirilən vebinarda iştirak ediblər.  İsveçin Mülki Fövqəladə Hallar Agentliyinin (MSB)  tərəfindən təşkil edilmiş vebinara Avropa İttifaqının (Aİ) Şərq və Cənub tərəfdaşlığı, o cümlədən Aİ-yə üzv ölkələrin mülki müdafiə və fövqəladə hallara cavabdeh qurumlarının 50-dən çox nümayəndəsi qoşulub. 

Qeyd edək ki, sözügedən tədbir Avropa İttifaqının “Təbii və texnogen xarakterli fəlakətlərin qarşısının alınması, hazırlıq və cavab tədbirləri” üzrə Şərq proqramının (PPRD East3) 3-cü fazası çərçivəsində təsdiq edilmiş fəaliyyət planına uyğun olaraq keçirilib və fəlakət risklərinin idarəedilməsi üzrə nəzərdə tutulan silsilə vebinarlardan biridir.

Vebinarın keçirilməsində əsas məqsəd İsveçin böhranların idarəedilməsi üzrə mərkəzləşdirilməmiş sistemi, o cümlədən İsveçin Mülki Fövqəladə Hallar Agentliyinin (MSB) ictimaiyyətlə qarşılıqlı əlaqəsi və ictimaiyyətlə əlaqələrdə istifadə olunan vasitə və metodlar, habelə, fövqəladə hadisələr zamanı rabitə və qurumlararası koordinasiyanın təşklində qarşıya çıxan problemlərin aradan qaldırılması, qurumlararası əlaqənin böhranlara hazırlıq və preventiv tədbirlərdəki rolu barədə məlumat vermək və eyni zamanda, təcrübə mübadiləsi olub.

Tədbirdə İsveçin Mülki Fövqəladə Hallar Agentliyinin nümayəndəsi və Avropa İttifaqının PPRD East3 şərq proqramının qrup rəhbəri Hanna Norell, İsveçin Mülki Fövqəladə Hallar Agentliyinin Milli və Mülki Müdafiə Əməliyyatları Bölümünün Layihə rəhbəri Susanna Axmaxer və  Böhranlar zamanı məlumatlandırma, Cavab Tədbirləri və Əməliyyatlar İdarəsinin Layihə rəhbəri Josefin Bark mövzuya dair təqdimatlarla çıxış ediblər.

Vebinarın sonunda İsveçin böhranların idarəedilməsi sisteminin əsas fərqli cəhətləri, məqsədyönlü qurumlararası əlaqələndirmənin böhranların idarə edilməsində və cavab tədbirlərindəki rolu və əhəmiyyəti, həmçinin, böhranlar zamanı ictimaiyyətlə rabitə əlaqəsinin etibarlılığı ilə bağlı məsələlər müzakirə olunub.

Digər məlumatlar

FHN-in Tibb xidməti seminarlar keçirib

Fövqəladə Hallar Nazirliyinin Tibb Xidməti tərəfindən Nazirliyin əməkdaşları üçün Bakı, Lənkəran, Şirvan şəhərlərində, Salyan, Şamaxı, Qəbələ və Şəki rayonlarında seminarlar keçirilib. ...

Ardını oxu

FHN-in Cənub Regional Mərkəzi “dəyirmi masa” keçirib

Fövqəladə Hallar Nazirliyinin Cənub Regional Mərkəzi tərəfindən Lənkəran şəhər bələdiyyəsində “Fövqəladə halların qarşısının alınması və nəticələrinin aradan qaldırılması sahəsində yerli icra qurumları və özünü idarə orqanları ilə qarşılıqlı fəaliyyətin təşkili” mövzusunda “dəyirmi masa” keçirilib. ...

Ardını oxu

FHN-in Şimal-qərb Regional Mərkəzi rəhbər heyətin nümunəvi mülki müdafiə məşqi təşkil edib

Fövqəladə Hallar Nazirliyinin Şimal-qərb Regional Mərkəzi tərəfindən “Meliorasiya və Su Təsərrüfatı” ASC-nin Şəki Suvarma Sistemləri İdarəsində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin nümunəvi mülki müdafiə məşqi keçirilib. ...

Ardını oxu