Geri

Əkin sahələrinin yanğın təhlükəsizliyinə dair videokonfranslar keçirilib

Taxıl və dənli bitkilərin biçin mövsümü ilə əlaqədar olaraq Yevlax və Göyçay rayonlarında əkin sahələrində yanğın təhlükəsizliyinin təmin edilməsi məqsədilə həmin rayonların icra hakimiyyətlərində müvafiq qərargahlar yaradılıb. Fövqəladə Hallar Nazirliyinin Dövlət Yanğın Nəzarəti Xidmətinin Aran regional Dövlət Yanğın Nəzarəti İdarəsinin, Yevlax və Göyçay rayonlarının İcra Hakimiyyəti rəhbərlərinin təşəbbüsü ilə qərargahlarda adı çəkilən rayonların əsas xidmət strukturlarının təmsilçiləri, icra hakimiyyəti nümayəndələri, bələdiyyə sədrləri, habelə digər aiddiyyəti şəxslər təmsil olunub.

İyunun 16-da Yevlax şəhər İcra Hakimiyyətinin başçısı Anar Tağıyevin rəhbərliyi ilə Yevlax şəhərində, iyunun 17-də isə Göyçay rayon İcra Hakimiyyətinin başçısı Mehdi Səlimzadənin iştirakı ilə Göyçay şəhərində qərargahların üzvləri ilə videokonfranslar keçirilib. Videokonfranslarda taxıl və dənli bitkilərin biçin mövsümü ilə bağlı yanğın təhlükəsizliyinin təmin edilməsinin əhəmiyyətindən danışılıb və cari məsələlər müzakirə olunub.

Hər iki videokonfransda FHN DYNX Aran regional Dövlət Yanğın Nəzarəti İdarəsinin nümayəndəsinin yanğın təhlükəsizliyinin təmin edilməsinə dair çıxışı dinlənilib, yanğınların baş verməməsi üçün əsas istiqamətlər konfrans iştrakçılarının nəzərinə çatdırılıb.

Videokonfranslarda FHN-in yanğın təhlükəsizliynə dair tövsiyələri diqqətə çatdırılaraq əhalinin aidiyyəti qurumlar tərəfindən maarifləndirilməsi istiqamətində işlərin gücləndirilməsinin, əkin sahələrində yanğına qarşı tədbirlərin tam yerinə yetirilməsinin, texnikaların texniki baxışdan keçirilməsinin və yanğına qarşı alət və vasitələrlə tam təchiz olunmasının vacibliyi vurğulanıb.

 

Digər məlumatlar

FHN-in Dövlət Yanğın Nəzarəti Xidməti maarifləndirmə tədbirləri keçirib

19 yanvar 2021-ci il tarixində FHN-in Dövlət Yanğın Nəzarəti Xidmətinin Qarabağ regional Dövlət Yanğın Nəzarəti İdarəsi Şuşa şəhərində yerləşən ərzaq mağazasında, həmçinin çörək və un məmulatlarının istehsalı sexində maarifləndirmə tədbirləri keçirib. ...

Ardını oxu

FHN-in Ağdam rayon Dövlət Yanğından Mühafizə Hissəsinin şəxsi heyəti fəxri fərmanla təltif edilib

FHN Dövlət Yanğından Mühafizə Xidmətinin Ağdam rayon Dövlət Yanğından Mühafizə Hissəsində şəxsi heyətlə görüş keçirilib...

Ardını oxu

FHN-nin Cüdo komandasının üzvü “İdman ustası” dərəcəsinə layiq görülüb

25 sentyabr 2020-ci il tarixində Azərbaycan Respublikası Gənclər və İdman Nazirliyinin qərarı ilə Fövqəladə Hallar Nazirliyinin cüdo üzrə yeniyetmələrdən ibarət komandasının üzvü Nigar Şamməmmədova cüdonun inkişafında göstərdiyi  xidmətlərinə görə Azərbaycan Respublikasının “İdman ustası” dərəcəsinə layiq görülüb. ...

Ardını oxu